قصة سارت ليا في رمضان
كنت مريضة واتسحرت وامي قالت اليوم لا تصومي اليوم لانك مريضة وصومي يعدين وانا وافقت
و خلصت صلاة الفجر ..وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا ..وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة
وانا اضحك واكل وشوي اكلم بنت خالتي وافتح الماسنجر واكلم صديقاتي
الا وينفتح الباب واشوف وجه كذا >>>>>>>>>>>
الا يطلع اخوية داني وعيونه الزرقة طالعه الي عمره 13 ...... زرقاء لان مامي اجنبية
داني :
ماصمتييييييييييييي !!!!!!! 
أنا وفي يدي كأس مليء بالثلج وكيس شبس كبر وجه أخوي داني :
ليه أنت صايم ؟؟ داني :بلا غباء طبعا صايم هذا سؤال
أنا بكل ثقة وبجاحة:
والله انت بعد سألني نفس السؤال داني: والله انتي اللي جالسة تبلعين وتشربين موب انا 
اتذكرت اني رحت المستشفى وهوا نايم
المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
فما كان مني الا اني فجأة قلت له
: اسمع بقولك سر بس بذمتك لايدرون مامي و بابي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي داني وهوا يبغى يعرف السالفه
صراحة انا مسيحية:
لا والله !! قولي قسم بالله:
انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شويوتقدر تتفهمني و تحتويني وتحتضني (حسيتني بخرب الولد)
القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلونيعند التلفزيون ويروحون يتمشون..تعرف انا اول بنوتهـ لهم لان قبلي وسيم وكان عمره 5 وماما و بابا كانوا توهم صغار وطايشينو طفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني 
فجأة شفت عبرة اخذت داني ذو القلب الكبير وهو يتابع بصمت وفضول وغباء
طيب ليش أجل تلبسين عبااااااية !! وانتي مو مسلمة< قاطعني أخي داني بكل دلاخة
رديت بنفس النبرة الكسيرة :
حتى الفلبينيات يلبسون عباية..انا كنت البسها زيهم احسبها شرط لسعودينورجع من جديد بسؤال أذكى قليلا من السابق :
طيب ماعلموك المدرسة الاسلام ؟!!!:
لا كنت أنام في الحصص وفي الاختبارات أغش ..فلما كبرت وجيت أنت ..حبوك ماما وبابا من كل قلبهم وخافوا من أني انتبه لهالحب أو احسدك عليه فقام بابا يبغى يلهيني بشكل أكبر ..حط لي نت وقال لي هذا لك
اما هذا لنا "وانا اشر باصبعي على داني" وخذوك معاهم ورحتوا تتمشون داني >>
المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت و داليا و دان و وسيم بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون داني زعل وهوا يحس حاله المذنب
:
طيب ماتفكرين تسلمين ؟ لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق :
بس ماأعرفه ..أنا ماأعرف في هالحياة الا أمي تيريزا داخ راسي من كثر الخربطة عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام
جاء يوم غد ..وفجأة أسمع شي يخربش تحت باب غرفتي ....قمت ابشوف مادريت الا كتيب ديني يندعس تحت الباب
واشوف ..الا عنوانه Islam ???!!
وافتح الباب بسرعة بشوف من اللي حاطه , الا واسمع صوت باب غرفة داني يتسكر بقوة
هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ
طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين
المهم انا بهد هاي هالضحكة نسيت الكذبة ,ولهيت بمشاغل الحياة
< مشكلة البزي ومن
ومر كم يوم , وصدفت ان داني مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا وداني يصيح ويحب راسي
أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان
الحمداللللللللله أسلمتي ,الحمداللللللللله أسلمتي 
بس والله رحمته جاني الصياح صدق ,ماأدري هو أن عشت الدور ولا صياحه صيحني
ويمر أبوي قدام هالمشهد التراجيدي وينهبل
خير ايش فيوداني من هول سعادته كب العفش والعشا والقش كله
بنتك أسللللللللللمت أسلللللللمت وابوية مو فاهم السالفه الا وتدخل داليا عمرها 10: ديما انتي كافرة
دان عمره 6: بس كيف كافرة وهيا تصلي
وسيم 19: بلا غباء مو كافرة
انا فهذا الوقت مت ظحك وعلمت اخواني وماما وبابا السالفه
وسار داني يحسب حاله اغبى واحد بالكون
رد: || دكـــة الصرقعــة || تفضل وشارك معنا ~السبت أغسطس 28, 2010 4:54 pm
حلوه الفكره وغير ميئوس منها 
سجل