ماكل من يركب الخيل خيـــــــــــــــــــال

ماكل من يركب الخيل خيــال
ولا كل خيـل تعجبك هي أصيلـــه

ولا كل من يعجبك هرجـه برجــال
بعض العرب ملسـون وأيده بخيلــه

الكل يلبس ثوب وشماغ وعقــال
وعند اللــزوم أفعــالهم هي قليلـــه

الرجـل تثبت له أقاويل وأفعـــال
لاقال شـئ ونفـذه هو دليـــــــله

والرجـل لاشفته مع القيل والقــال
أبعــد عنه هذا صفـاته عليلـــه

والكذب خله عنك مافاد لوطـال
قول الصدق ياصاح غنم وجميلـــه

وخلك شجاع وذي صفات للأبطــال
ا للي كما سيوف تبارق سليلـــه

واللي شراك اشريه لو كان بالمـال
خـلك معه وان مال دور بديلـــه

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وبعد الكدر تشرب صفا عذب وزلال
هذا الزمــن فيه استـقامـه وميلــه

وصاحب خليل لو جفا الوقت مامـال
تـرى الرجـل يعرف بقيمة خليلــه

وأقفل على سرك بكتمان وأقفـال
بعض العــرب يسمع وينوي بحيلــه

وخـلك آمين إذا توليت الأعمـال
من خان في يوم الحشــر ياحليلــه

خل التواضـع فيك واضح بالأفعـــال
ترى الكبـر يردي بيـوم وليلـــه

ولا تحسـد اللي عنده أموال وعيــال
وش ينفعك لو كان حسـدك يزيلــه

ولا تزور تقلـب الزين بطـــال
الله عليـــم بالنوايـا الدخيـلــــه

وخلك رزين تـرى الخفـه للأطفـــال
وأصفح عن المخطي ولو زاد قيلــه

وأحمل همومـك لو تزن وزن الأثقـــال
بكــره تروح وتنجلــي لو ثقيلـــــه

وصلﱢ الفروض ولا تنسيك الاشغـــال
محدن في الدنيـا درى وش بقــى له

وزر الاقارب للرحم كون وصــال
وخلك عظيـــم الشان وسـط القبيلــه

منقول

مشكورة

العفوو

» مين بدو يروح الملاهي اللي بدو يدخل موضوعي =-=-=-=-=-=-=-اللي مابيخاف يركب معي
» الخيل و الليل
» وأنا سألت الخيل
» سبرايز هالسنة من العملاقة فورد سيارة الخيل المتوحشة
» قالوا إنج عشقتي الخيل والخيل خود عشقها يستبيح الروح ويكودهـا