العبره اللـي لهـا يوميـن تخنقنـي
خذيت منها على مر الزمـن عبـره
آفرح ليا بان وآحزن لاسـلا عنـي
إلين ماصرت في دور الهوى خبـره
تآمرني آنساك بنسى ويش يمنعنـي ..!
لكن لياجيت في بالي وش الدبـره ..؟
خذيتنـي سالـي ودالـه ومتهـنـي
ورميتني شـاعرٍ ساهر على حبـره
الله حسيبك على الضيقـه معودني
ياكاسر الخاطر اللي شوفتك جبـره
تطلب وآنفذ وآبي قربـك وتجهلنـي
كني طلبتك تحفـر البيـر بـ الأبـره ..!
تقول :- يامكرم القيفـان تخدعنـي
وآقول :- بعدك كفنه وغيرتـه قبـره
طيفك على صدك وبعدك مصبرنـي
لو كان طيفك يشيل القلب من صبره
آمهلتني للزمـن والوقـت مهملنـي
ياحر كبدي على حاجات منثبـره
واللي سرق بالي وحيّـره وآشغلنـي
طاريك لامـر وش دخلـه بالنبـره
موج الغلا يم سيف الشوق يدفعنـي
ياقرد حظي معى شفّـي وياغبـره
إليا طلبته يقـول آسـف وفارقنـي
اللي معى مايعـل النفـس ياكبره
ولا انت ياحزبة الضامـي معذبنـي
متى نصادف طريقٍ نلتقي عبره ..؟
آبتصل فيك لاا ..! مانيب متعنـي ..!
آخاف لاقلت ( آلوو ) تخنقني العبره
تحيـــاتي : ديومة وبس ..
خذيت منها على مر الزمـن عبـره
آفرح ليا بان وآحزن لاسـلا عنـي
إلين ماصرت في دور الهوى خبـره
تآمرني آنساك بنسى ويش يمنعنـي ..!
لكن لياجيت في بالي وش الدبـره ..؟
خذيتنـي سالـي ودالـه ومتهـنـي
ورميتني شـاعرٍ ساهر على حبـره
الله حسيبك على الضيقـه معودني
ياكاسر الخاطر اللي شوفتك جبـره
تطلب وآنفذ وآبي قربـك وتجهلنـي
كني طلبتك تحفـر البيـر بـ الأبـره ..!
تقول :- يامكرم القيفـان تخدعنـي
وآقول :- بعدك كفنه وغيرتـه قبـره
طيفك على صدك وبعدك مصبرنـي
لو كان طيفك يشيل القلب من صبره
آمهلتني للزمـن والوقـت مهملنـي
ياحر كبدي على حاجات منثبـره
واللي سرق بالي وحيّـره وآشغلنـي
طاريك لامـر وش دخلـه بالنبـره
موج الغلا يم سيف الشوق يدفعنـي
ياقرد حظي معى شفّـي وياغبـره
إليا طلبته يقـول آسـف وفارقنـي
اللي معى مايعـل النفـس ياكبره
ولا انت ياحزبة الضامـي معذبنـي
متى نصادف طريقٍ نلتقي عبره ..؟
آبتصل فيك لاا ..! مانيب متعنـي ..!
آخاف لاقلت ( آلوو ) تخنقني العبره
تحيـــاتي : ديومة وبس ..