السلام عليكم ورحمة الله وبركاته
الصداقه شي حلو في الحياة وهو الي يحليها بس جاك يوم وفكرت ايش معنى (صداقة)
.. فما اجمل كلمة الصداقه
تعالو نشوف حرف حرف
الصداقه كلمة جميله لكل حرف فيها معنى:
حرف الصاد: صدق ينبع من النفس الإنسانية
حرف الدال: دفء مصدره الوجدان والمشاعر
حرف الألف: أمل وتفاؤل وإخلاص
حرف القاف: قوة فيـ الموده والرابطة
حرف الهاء: هناء ونسمه هواء نقيه تسري بين الاصدقاء
:::
تعالو مع بض نفكر منو الشخص الي نصادقه وتتوفر فيه هذي الشروط
وشروط الصداقه الحقيقيه:
1_ آن تكون حب فيـ الله
2_ ان لا تكون مبنية للمصالح
3_ ان تحب له ما تحبه لنفسك
:::
والحين صادقنا كيف راح نقوي العلاقة أكثر واكثر ونصير حبوبين
اذا آردت ان تكون علاقتك قوية مع صديقك:
1_ ابتسمي
2_ ابدي بالسلام ورحبي بقووه
3_ تعالي من الجهه الي تحبها(( مثال: ان كانت تحب الموضه سولفي عن الموضه ))
4_ انصتي وبقوه اعطي مجال لصديقتك تتكلم استمعي لها اكثر واكثر
5_ اذا تحبينها في الله صارحيها فيه موتسكتين كما قال الرسول صلى الله عليه وسلم
6_ اذا قالت لك شي حاولي انه ما يطلع الكلام من عندك
7_ اذا طلبت منك خدمه حاولي بقدر المستطاع تساعديها
8_ كوني صريحة معها جدا جدا جدا والا راح تتعبين بعدين ولاتكونين غامضة
9_ اذا جت مناسبة اهديلها هدية ولو كانت قليلة الثمن .. لأن الهديه تعتبر عند الصديق شي ثمين جداً
10_ اذا كان في شي مزعلها اوقفي جنبها.. مثلا احد ميت عنده اجلسي معه وذكريها بالدعاء للميت وهدئيها
11_ في وقت الفرح كوني بجنبها
12_ تمني لها كل الي تتمنينه لنفسج
13_ شجعيها شجعيها دائما للأفضل وخصوصا ان كانت محبطه وانتبهي من الكلام المحبط والا راح تبطل تجلس معج
14_ امدحيها دايم مثلا اذا شفتي فيها شي حلو مثلا لبسها شعرها ،شي زي كذا او مثلا شفتي سوت شي حلو ترا هذا له اثر كبير على نفسها بس نصيحة (المغروره لاتمدحينها لأنه كما قال المثل: لاتمدح مغرورا فيهينك)
15_ وبالنسبه للمشاكل لابد وان تحصل (مافي صداقه حقيقية من غير مشاكل) بس العبره شلون نخلي المشاكل ماتأثر على صداقتنا مو من اول مره تقطعين العلاقه ولابد الصديقات يرجعون لبعض
16_ مراعاة ظروف الصديقة فلا تحزني ان غابت فهي مؤكدا لم تنسك وحتى ان غابت فأنت في قلبها
17_ اياك تسمعين او تصدقين اي شي عن صديقتك من اي طرف الا لما تسمعين من صديقتك نفسها
الحين حباييبي انتهى مشوار الصداقة واللي حابه تضيف من عندها تضيف خل نستفيد منكم
خل يكون هالموضوع مكان كل وحده تحط لنا تجربتها في صداقة ناجحه مثلا شلون كانت بدايتها؟ ووشو حسسج انها فعلا صديقة؟
اوكي راح اتكلم لكم انا اول عن نفسي الحمدالله مريت بتجربة صداقه ناجحه ولحدة الحين مستمره ويارب مايغير علينا
وبصراحه هم من اعضاء الممنتدى بس ماني قايله منو
فأغلب الصفات تتوفر في صديقات العزيزات الغاليات علي اشكرهم من كل قلبي ،
كانت بداية صداقتنا في البيت وبعدين بديت اتعرف عليهم اكثر واكثر يوم طلعنا مع بعض حسيت انه روحهم حلوه ومره طيبين
وزاد تعلقي فيهم يوم شفتهم بوقت ضيقي وقفو معي ، كانوا يهتمون فيني وبحبون لي الي يحبونه لنفسهم
ومره كنت محبطه حدي من جامعتي وفاقده الامل لكن زروعوا فيني الامل اني اتقدم اكثر واكثر
يلا الحين انا قلت الي عندي جا دوووركم....................انتظركم
