يــلا هلا كيفكم يــا حـلوين طيب طفشنا من كتر الكلام عن المشاكل والبلاوي اللي بتسير في الدنيا هادي قلنا خلينا نغير علشان لا نطفـش خلونا نتكلم اليوم عن الأصلي والتقليد )مين فيكم اصلي ومين فيكم تقليد ؟؟؟ فكروا بالجواب وفي النهاية قولولي الأصلي والتقليد أو المغشوش اشياء بنسمع عنها في حياتنا في كل امورنا وشغلاتنا الصغيرة والكبيرة والا موووووو يعني احيانا الواحد بيكون مستور وماعندو يقوم يمشي حالو ويسترخص بالتقليد احيانا يمشي حالها واحيانا تسببلو مشاكل ويضطر يحط بلاااااوي كان يمديه ينكفي شرها لو اخد الحاجة الاصلية وعلى قولة المسل القديم ( يامسترخص يا متنغص ) شكلكم منتو فاهميييين !!! مسلا * قطع الغيار حقت السيارات في أصلي ( حق بلدو ) وفي تقليد ( تايوند أو على قولهم علّق شلّق ) هو صحيح في حاجات يمكن ندبرها تقليد صيني تايواندي ان شاء الله ماركة ابو كلب وفي شغلات مهمة مايمدينا نستغني عن الاصلي * الأجهزة الكهربائية برضو كمانة في الاصلي وفي التقليد زي الافياش واللمبات والتواصيل والاسلاك ووو بس الكهربا انا افضل الاصلي علشان الواحد يطمن يعني مرة استرخصت توصيلة بخمسة ريال جيبتها للبيت والله شكلها حلو ومرستك مابيها ضربة المهم فضلة خيركم اشتهينا كنافة ( الله يحيكم ) شبكو سلك الفرن علبال مايحمى بس وشويتين الا التوصيلة طرطعت علين الفيش من كتر الحرارة لصق في الجدر وشوغلااااانة طويلة عريضة سكيت السكينة واشتريت فيش جديد وفكيت القديم المهم علين حرمنا البابوغلي على قولهم * الملابس والحوايج برضو كمانة في الاصلي وفي التقليد في بعض الأقمشة تخش ( تصغر ) من أول غسلة وفي شي منها يتبربخ ( يوسع ) مع الغسيل وبالزات الكوافي الشرك الصيني اللي الحبة تسوالها ريالين وفي كمانة بعض الأقمشة يتغير لونها زي الأحاريم القديمة اللي كانت تجينا نشتريها ونخمشها في الطشت شويتين اللون الاحمر كلو خرج في الموية زي كأننا دبحنا واحد ومرة على مرة يسير لون الإحرام بمبة وفي الاخير نسويه خروووق للمطبخ * الساعات في ساعات ابو 8 ريال وفي شي ب100 وفي 20 الف وخصوصا ازا كانت مزينة باللولو والترتر بالنسبة للساعات والله ماتفرق معايا المهم تكون شغالة واعرف بيها الوقت وخلاص أما شكل ديكور مدريشكلو مايعنيني قد كدة قيد خلاص راحت أيام الورورة حتى لو انقرنت الساعة وغالبا حجر نغيرلها حجر وازا لونها فصخ نلمعها باللماع والا نشتري وحدة اوسبير يسير تنفع * دبهرك الحريم والمكياج مرة سمعت انو في حمرة ب100 الاصباع الواحد !!!![ندعوك للتسجيل في المنتدى أو التعريف بنفسك لمعاينة هذه الصورة] بس بصراحة ماشفت علشان لا اكدب عليكم وفي كمانة من الرخيص شي ب5 وشي ب10 طيب هادا مايمشي الغرض هو معاكم يمكن اللون الأحمر يندر على قولهم ويبطش وهادي الشغلة بتسير قدامي لأنو لمن الحريم [ندعوك للتسجيل في المنتدى أو التعريف بنفسك لمعاينة هذه الصورة] يشيلوني [ندعوك للتسجيل في المنتدى أو التعريف بنفسك لمعاينة هذه الصورة] ويبوسوووووني [ندعوك للتسجيل في المنتدى أو التعريف بنفسك لمعاينة هذه الصورة] ويخلو وشي كلو احمممممممر زي الشراكس والجواري [ندعوك للتسجيل في المنتدى أو التعريف بنفسك لمعاينة هذه الصورة] ههههههههههههههه فتحو عيونكم مع الصبح [ندعوك للتسجيل في المنتدى أو التعريف بنفسك لمعاينة هذه الصورة]ربي يرضى عليكم ولاتجيبولنا سيئة قصدي لمن كنت صغير [ندعوك للتسجيل في المنتدى أو التعريف بنفسك لمعاينة هذه الصورة]والحريم يسلمو عليا في الزقاق [ندعوك للتسجيل في المنتدى أو التعريف بنفسك لمعاينة هذه الصورة] وساعات فناجين الشاهي والقهوة تتوسخ يعني يمكن الحريم ادرى مني في الحاجات هادي وأكيد مرو بتجارب وقصص بعيدين يتفضلو ويحكونا * البويات ( للسيارات أو للبيوت ) برضو كمانة في انواع في التركي وفي الوطني وفي الامريكي والدنمركي ( لعنة الله عليهم ) بعض السيارات او البيوت اليوم تضربها بوية بعد ستة شهور سنة بالكتير تلاقيها لونها قلب وخصوصا عندنا في مكة الله يعمرها ويشرفها حرااااااارة تاكل البويات اكل * مفروشات البيت ولوازم المطبخ برضو كمانة في الصحون الصيني والشينكو والتوتوا شي يصدي وشي ينطق البعيد مع الحرارة وشي تفلتو من يدك ماينكسر وشي يهبب مع النار والدوافير وشي يحرق الاكل وشي الاكل يلصق فيه وفي شغلات تمشي الحال * الخوااااتم في كمانة الاصلي والتقليد في العقيق والسليماني والزمرد والزبرجد والزركون وفي كمانة الفالصو يمكن شغلة الخواتم اديكم طريقة سهلة تكتشفو بيها انو الفص الموجود اصلي والا يمشي حالو جيبو منديل ورق افردوه على نفس الفص مزبوووط بعدين لمو المنديل وكمكموه على الفص يعني يتكون عندكم طبقة من المنديل على الفص بعدين جيبو ولاعة وولعو المنديل ان كان الفص مزبوووط المنديل مايولع علين الصبح اللهم يسير لونو اسود طبعا السواد من الهباب حق الزند او الولاعة وفي طريقة تانية تجيبو شعرة من جلد الخنزير ( ويا مكترهم ) هههههه أي شعرة واحرقوها على الفص ازا انحرقت معناتو الفص تقليد وازا ما انحرقت يعني مزبووووط * وبرضو كمانة البشر والناس اللي حوالينكم مما علمتنا الحياة الرجاااال معادن في رجال اكتر من الاخوان ( أصلي )[ندعوك للتسجيل في المنتدى أو التعريف بنفسك لمعاينة هذه الصورة] يوقفوا معاك في الزنقات والضيقات وفي رجااااال البعيد اندال ( تقليد ) [ندعوك للتسجيل في المنتدى أو التعريف بنفسك لمعاينة هذه الصورة] حتى السلااااااام حق ربنا مايرموه عليك لو غلقت مصلحتهم من عندك ونفس الشي الحريم في منهم اصلي وفي منهم تقليد بعضهم ماشاء الله ما يتكنسو من قدام المراية ليل نهار وهم جالسين يسمكرو ويصبغو وجههم حتى يطلعو حلوين يعني لو مو الاحمر والاخضر والافلاطوني ماتعرفها هيا حرمة والا هول الليل[ندعوك للتسجيل في المنتدى أو التعريف بنفسك لمعاينة هذه الصورة] على العكس بعض الحريم حلوين ماشاء الله من غير مكياج [ندعوك للتسجيل في المنتدى أو التعريف بنفسك لمعاينة هذه الصورة] يعني جمال ربااااني ( أصلي ) مو مزيف وفي الاخير دخل الغش في الاكل * البيض مسلا في الاصلي ( البلدي ) وفي كمانة بيض الزنا ههههه [ندعوك للتسجيل في المنتدى أو التعريف بنفسك لمعاينة هذه الصورة] ( اللي يجيبوه من غير ديك ولا دجاجة او دجاجة لحالها شغل فقاصات يعني ) ويقولو البيض المزبوط لو حطيتوه في كروانة مليانة موية يغطس لكن البيضة اللي يمشي حالها تعوووووم على الوش وبرضهم يقولو الاصلي لمن ينسلق يتقشر قوااااام * الخضرواااات والفاكة مسلا الرجلة الملوخية القوطة زمااااااااااااااااان كانت لها مواسم وكنا نتشوقلها من الموسم للموسم لكن دحين طول ايام السنة نفس الخضار موجودة وما تنقطع ونفس الشي الفواكه كلللللو من البيوت المحمية وضرب الابر حتى الحبحب صارو يلعبو فيه الله يلعب قلوووووبهم لا بقدونس لاكزبرة لا شبت لاكوريرة كللللها طعمها مااااتق وماصخ مو زي زمان الريحة لحالها تعبك البيت والمركب مو زي دحين ماتشمو ريحتها الا لمن تخمج البعيد * السمن البري في كمانة الاصلي والتقليد وياسلاااااام على الفول مع السمن والا مع المقادم والا مع مرقة الهوااااا والا صحن حمبص شي يبكي وفي كمانة السمن المغشوش بس يقولو المزبوط زي حق زمااااااان لمن تغلق الاكل بطلوع الروح حتى تروح الزفرة من يدكم يعني تغسلوها بالجافيه والبرسيل وياااالله تندر الزفرة لكن دحين لو مسحتو يدكم في خرقة خلااااص مايحتاج موية وصابون * العسل ( الله يحلي ايامكم ) كمانة في الاصلي والتقليد شي يخلطو معاه موية وسكر شي يحطو عليه قطر وشي يحطو معاه شيرة وبعضهم يضحك على اخت النحل ويجيبلهم بيبسي والا كاكولا المهم حاجة حلوة تمصمصها النحلة شي الكيلو ب300 / 400 وشي الكيلو 100 وشي الكيلو 90 وشي 15 ريال كللللو على حسب الغش طيب تعرفو تفرقوا بين الكنافة و......... قصدي تعرفو تفرقو بين العسل المزبوط واللي يمشي حالو والا على قولهم كلو عند العرب صابووون طيب علشان تفرقوا بين العسلين يقولوا العسل المزبوط مايجمد في الفريزر لو قعد علين تقوم القيامة وبعضهم يقول المزبوط تكبو على الرملة يسير زي المكعبات او الكور يعني حبيبات تنخلط بالتراااب وبعضهم يقول المزبوط لو غمست عود كبريت وولعتو بولاعة ازا ولع العود معناتو مغشوش وبعضهم يقول تجيب ملعقة وتشيل من العسل وتكب الملعقة يعني تميلها لو انقطع الخيط حق العسل تعرف انو مغشوش وبعضهم يقول العسل ماينحرق على النار وبعضهم يقول العسل الأصلي مايدوب في الموية الباااردة وفي طريقة كمانة هادي يقولو جديييييييدة واحد حشاش اخترعها وبالصور العسل الطبيعي يكون خيط سميك في قاع الكوب وهذا يدل على اللزوجة العالية للعسل وعدم احتوائه على مكونات غير طبيعية. ** إذا بدأت القطرة في التشتت في الماء فهذا دليل على انه مغشوش أو على الأقل محتواه المائي أعلى من المقرر في المواصفات القياسية للعسل انظر إلى الأشكال الآتية : أضف قطرة من العسل إلى كوب ماء بارد ولاحظ الفرق *العسل الطبيعي يكون خيط سميك في قاع الكوب وهذا يدل على الزوجة العالية للعسل وعدم احتوائه على مكونات غير طبيعية. * إذا بدأت القطرة في التشتت في الماء فهذا دليل على انه مغشوش أو على الأقل محتواه المائي أعلى من المقرر في المواصفات القياسية للعسل هيا شوفوا الصور احسن من الرغي الكتير عسل طبيعي حر مايدوب في الموية الباردة وينزل على شكل خيط متين ويتجمع في قعر الكاسة عسل نحل مغشوش مضاف إليه شراب السكر لاحظ كيف تتشعتر قطرات العسل امن تدوبها في الموية الباردة نفس الخليط السابق بعد أضافه كميه اكبر من العسل شوفو كيف تتشعتر قطرات العسل لمن تنخلط مع الموية شراب السكر مركز شوفو كيف يتشعتر بلا ملايكة لمن ينخلط مع الموية البااردة وكمان ماينزل يكعور في الكاسة علشانو مغشوش صح *جواب السؤال اللي في اول الموضوع مين فيكم اصلي ومين فيكم تقليد ؟؟؟ يعني مين يحب الحاجات الاصلية ومين يحب الحاجات التقليدية وأيش اللي خلى الناس تكره التقليد مع انو ارخص واحيانا يمشي الحال طيب الصين اكبر دولة عاملة وصانعة كل عوايزهم من انتاجهم طيب لوووووووووووووو فرضنا السعودية صارت تصنع سيارات واجهزة كهربائية هل تشترو الوطنية والا برضكم تروحوا للأصلي يعني عقدة الخواجة ماسكة معانا ؟؟؟ أقرب مساااال عندكم المكيفات حقت الزامل سعودية لكن محد يشتريها واللي اشتراها صار يسب فيها قصرو المهم يعني طولت عليكم لكن ان شاء الله امبسطو واستفدتو من الموضوع يعني ليا قريب سبعة ايام بعيد عن المنتدى جالس أمخمخ في الموضوع هادا ونشكل ونلون علشان لاتطفشو وأشكر كل اللي ساعدونا في الزبرقة ربي يعطيهم العافية علين عيوننا ورجولنا ندرت من محلها لاتنسونا من دعواتكم وشرفونا برأيكم في الموضوع او تجارب ومواقف مرت عليكم هيا أنا أقلكم مع السلامة دحين لاتوحشوووونا |
________________________________________ |
