أيام التسدح عند القناة الاولى
أيام التسدح عند القناة الاولى...خارج نطاق الذاكرة !!!
السلام عليكم ورحمة الله وبركاته
أيام التسدح عند القناة الاولى
خارج نطاق الذاكرة !!!
ارررررررررحب باللي يزحف والي يطير
موضوعنا اليوم عن القناة الأولى وما ادراك ما القناة الاولى
ياحبي لها بالتلفزيون السعودي ايام الطفولة والبراءة<<<<=== ايام الفرفشااات
يوم كنت صغيره كنت مغير اتسدح عند التلفزيوون قبل ماتفتح القناة الأولى اشووف الألوان :::
أجلس احتري القرآن يخلص...واذا بدا الكرتووون أرووح فيها وتبدأ لعنوووون تتفتح
المهم وبما اني مدمنه افلام كرتون ايام الطفووله ولي ذوقي الخاص ..اخترت لكم بعض الافلام اللي حفظتها صم من كثر ما شوفها <<<<== شكلها اللحين تتسدح عليها
..............
(( الكابتن ماجد )):
مدري وشلون يتشقلب في الهوا كم قلبه وبعدها يسدد الهدف ..ويطيح عالارض ومايجيه شي ماشاء الله...اعنبوا بليسه كل ما كنت ابي اسوي مثله واتشقلب ما يمديني أرفع رجلي الا وأنا هابد عالارض...
والا حركة التوأم منير وأنور اللي كأنهم قرووود <<<== استغفر الله العظيم بس
بس احلى شيء اننا عارفين انه فايز فايز بالمباراه حتى لو بأخر ثانيه يسجل ثلاث اهداف المهم يفوز
بس والله كنت اتحمس معه تحمس مهوب طبيعي واقعد ارفس اللي عندي
((بشار))
هالمفهي اسميه ( بيض عيووون) جابلي الضغط وانا صغيره:
على كبر عيوونه امه تمر من جنبه ومايشووفها
وانا عاد من زود التحمس اصااااااارخ اقوله امك ياغبي التفت:<<<=== الي يشوفها يقول بيسمعه الحين بشااار
والله (90) حلقه وهو يدووووور امه :
وتحذير: لاصحاب القلوب الضعيفة
في حشرة خضرة لابسة باروكة قهوية, ايديها زي السيوف ..تخوف .. الحذر الحذر<<<== وهع هع آ على اغنيته
((( بشار يا بشار هيا الى العمل اجمع ندى الازهار من روضة الامل )))
((سالي))
عاد تجيكم سيدة الشاشه الكرتونيه سالي يافديتهاااا
هالبنت قطعت قلبي حته حته من تبدأ الحلقه لين تنتهي وانا صياح واهلي يجون يسألوني
وشفيك من طقك .. اخوك خذ لعبتك..فيك شي يوجعك وانا ماني معهم دموعي اربع اربع
بس كانت تقهررررني بشي واحد . .يهااوشونها وهي ساااكته ويكرفونها وهي منطمه
ولاعاد تجيكم بنت الكلب آنسه منشن والله انا حاقده عليها هالخااايسه<<<<تحمست
((هايدي))
عاد هاذي اللي صدق بعدو عني اذا جت اخش جووو بقووه
هايدي فتاة جبال الألب والعنزااات والخرفااان ياحبي لها هي وبيتر
كلير<<== المشلوله الحمدلله ابشركم مشت
وجدها الشديد<<=== بس اخر الايام هجدت شياطينه صار حليل
وجدة بيتر العجوز المنتهيه
ولا تهون عنزتها ويكي
بس تقهرني هايدي اذا فصخت الحياء و فصخت فستانها وراحت تطامر مع بيتر فوق التلال
((عدنان ولينا))<<<=== ياعيني عليهم
هذاا عاد للحين عندنا اشرطته
عدنان ذا الي من اول حلقه ماغييير لبسه واخر حلقه تكشخ وجاب العيد
والا صديقه عبسي
والله يا ويل قلبي على المغامرااات لولا اصبع رجل عدنان االي كان يكتب فيه ويدخله في خشمه<<<==== يحووم الكبد الله يقرفه
ولينا ذي الحساسه فديتها
وعلام الشرير اكره هو وجهه المربع
.
.
.
.
.
الله يالدنيا الحين كبرنا<<<== يا حبنا للحش عاد والتقطيييع
مير الحين القناة الاولى مانقرب حولها طايحين بسبيس تون وام بي سي 3
المهم مالكم بالطويله بس حبيت اعيد ذكريات الماضي
وايام الطفوله التي لن انساها ولن انسى ابطالها
* سالي هذي اروح مـــــــــــــــــــلح عنده هي وهايدي وعدنان ولينا والله اني لين الحين اذا شفت عدنان ولينا اخق عندهم هم وهايدي وسالي وهـ وهـ يالبى ..
لاتنسو الردود والتقييم
فديتكم
[ندعوك للتسجيل في المنتدى أو التعريف بنفسك لمعاينة هذه الصورة]