أحسّ بحرقة أنفاسك وأحس بجرحـك الدامـي إذا مرَّيتْ لو باسمي بلا موعد علـى شفاتـكْ
( كثيرة ) كـل ماوثَّقْـتْ تاريخـي وأيامـي وكثير آنا بتعذيبي أجي حتى اف (تحيَّاتـك ) !
عليكَ أمان خلق الله ولاا آمَـنْ مِـنَ أوهامـي قِدَرْكِ اني دفا بردك شتـاك وليـل حسراتـك
قِدَركِ اني جمعت الطيب في تغريبة أحلامـي تبعت آثار ريح الويل فـي تغريبـة أبياتـك
أحبك واجرحك وابكيك وارمي بعدك أقلامـي أتابع ظلـك الهـارب وأراوغ فـي ملاقاتـك
غريب اللي يسيِّرنا كأنَّي عشت ل ا خصامـي بداياتي مسافة ليـل يبـدا مـن نهاياتـك ..!
أقولك شيء ؟ مدري ليه أحبـك ذروة آلامـي أحب انك تجافيني ولا أرضى فـي مجافاتـك
تعبت أجرحك واحبك ..تعبت أقطف لك أنغامي من غصون الألم وردة .. ثراها من معاناتـك
تعبت أقول شوفيني عشان أعميـك بابهامـي وإلى من دمَّعت عينك مسحت الدمـع بسكاتـك
أحبك كثر ما أخونك .. وأخونك بـس قدامـي أدافع عنك وآنا اللي نسـف أجمـل حكاياتـك
أحاول فالقصيدة بس .. ترفض كذبة أحلامـي تجيلك في وهم غيرك وتشفـق لـي بغيباتـك
عليم الله ما غيرك قدر يحيـا مـع أعوامـي وكل اللي بقي منـي غلـط يستاهـل أوقاتـك