أوتسس لعيونكمم ي ققميلآإتت
الفصل السادس
انا بندم ودموعي اربع اربع : جود اصحي جود تكفين ردي وربي ما اسامح نفسي لو صار لك شيء جوود
اهـــــــــــئ
جود: كح كح
انا بفرح : جووود
جود بصوت متقطع: كح كح كح نــ ــعــ ــم
انا من الفرحة صرت اتكلم بدون وعي: جعلك المرض على بالي بافقدك
جود: احنا وينا فيه؟؟!!
انا التفت اطالع : بالساحة الخارجية للمدرسة
المساعدة : نوف ما فيه طلعة من المدرسة الا بتعهد وفصل ثلاث ايام
((انا وقتها افرح ولا احزن ))انا:................((التزمت الصمت))
وجود طلعت براءة لان حالتها مرة سيئة وتحملت انا ذنب كل اللي حصل
بعد ما صفا الجو شوي وخروج بعض الطالبات للبيوتهم
و على وصول امي للمدرسة بعد اتصال المساعدة لها وجات رجلية لان ابوي بالشغل
وانا وقعت التعهد
((في البيت))
امي ما قصرت عطتني محاضرة لما صكني راسي... رجعت الغرفة سحبتها نومة من التعب..
((بعد اذان العصر))
شروق: نووووف نويييفوه اصحي تكفين
انا: خير وش تبين حتا بنومي مو مخليتني..؟!!
شروق: وع وش ابي بك بس ابوي يبيك على اللي صار اليوم
انا: يــــالله كفاية محاضرة امي
شروق بنذاله: احسسسسسسن قومي يالله
انا: خلاص طيب .. الا تعالي ليش عيونك لونها حمراا كذا.؟؟!!
شروق: ايه مدري من اللي بخ بوجهي اليوم هاه
انا: لازم تذكريني
شروق: حرام عليك توني راجعه من المستشفى صار عندي التهاب بالعين
انا: ليش؟!!
شروق: وش احكي من اليوم
انا: ايه صح مدري وش بلاني راسي مصدع
شروق: قومي بسرعة ابوي يستناك من ربع ساعة لا يقوم الدنيا كلها عليك
انا: ايه يالله
غسلت وجهي .. وبدلت بجامتي و صليت العصر ونزلت تحت
((في الصالة))
عطوني ابوي وامي محاضرة لمدة ساعتين ونص وزيادة على كذا حرموني من والروحات والجيات خلال 3 ايام يعني حبس في البيت
((في الليل... في غرفتنا))
شروق: نوف يالله برا الغرفة
انا: غرفتك لحالك وانا مدري؟؟
شروق: يالله بسرعة بروح لنورة الحين اطلعي باغير ملابسي
انا: حراام وانا شقعد اسوي ثلاث ايام متواصلة لا لاب توب و لانت ولا جوال ولاشيء
شروق بنذالة: مو ذنبي يالله اطلعي بسرعة
انا بتمثيل: اهون عليك شوشو تروحين وتجين وانا قاعدة هنا لا شغل ولا مشغلة
شروق بعطف: طيب تبيني اقعد عشانك .. كم لي من نوفي
انا بخبث: لالا يا قلبي روحي لنورة وانا بالحقك
شروق: وشلون امي وابوي مانعينك من الطلعة؟!!
انا: لا معاي مفتاح البيت وباطلع من غير ما يدرون بس انتوا خلوا الباب مفتوح اتفقنا؟؟!!
شروق: اتفقنا .. بس اطلعي باغير ملابسي ثم انتي بعدي غيري ملابسك والحقيني هناك عند نورة
انا: طيب يالله
((بعد ربع ساعة ..))
شروق: يالله خلصت باااي انا طالعة
انا: بايات بس لا تنسين خلي بابهم مفتوح طيب
شروق: خلاص طيب والله فهمت
((في بيت ابو فيصل))
تررررررررررررررررررررررررررررررررررررررررررررررررر ررررن <~~ صوت الجرس
نورة: وجع قطعتي الاحبال الصوتية لجرسنا
شروق: هههههههههههههههههه
نورة: دووم
((نورة بتسكر الباب))
شروق:لالالالالا خليه مفتوح
نورة: ليش اتركه مفتوح؟؟!!
شروق: بتجي نوف الحين
نورة بفرح : قولي قصم
شروق: وربي اني صادقة
نورة: طيب اهلك مو حابسينها بالبيت 3 ايام ...؟؟؟؟؟!!!!
شروق: إلا بس هي بتنحاش
نورة: وشلون بتنحاش هالسكنية؟؟!!
انا: سكني يخمك
نورة: لالا مو مصدقة هلااا وغلااا
شروق: والله وسويتيها يالهبلة
انا: هبلة في عينك
نورة: الا تعالي وشلون انحشتي؟؟!!!
انا: معي مفتاح البيت وانحشت وامي ما تدري
شروق: نورة حركتات من متى شارية الدباب
نورة: من امس
انا: من كبر حوشكم؟؟!!
نورة: لا يا تنك عشان اذا رحنا للمزرعتنا بآآخذه معي
انا: اهآآآ
نورة: يالله ندخل وباوريكم بيتنا
انا: اقول تحسبيني مطولة هنا
نورة بتساؤل: أجل؟؟!!
انا: شوي وراجعة للبيتنا
شروق: لييييييييش؟؟!
انا: امك اخاف تشوفني الحين وتقول لامي ..!!
نورة: اخاف امك تدورك بعد
انا: لا لا تخافين انا قلت لها بنام ما ابي عشا
نورة: والله انك خطيييييييييرة
انا: افا عليك اعجبك
شروق: ياالله قبل لا تجي امك الحين تكشفنا
نورة: صادقة يالله ادخلوا
انا: مدري اخاف اصادف امك
نورة: اجل نجلس طول الوقت بالحوش
شروق: بنات تكفون نبي نلعب بالدباب
انا: وش تحسين به؟! الحوش ما يكفي
شروق: الله يخلي الشارع
انا & نورة: وشووو؟؟!!!
شروق: وجع تاعلوا كلوني احسن وشفيها بعدين اذا انحشنا مو اول مرة؟؟!!
نورة: ايه والله فكرة حلوة
انا: حلوة بعينك انتي وياها الحين بالليل لو ضيعنا
شروق: لا مو ضايعين بندور على الحارة بس
نورة: نوف تكفين وافقي
انا: امممممم مع اني معاقبة تدرون فلها وربك يحلها
نورة & شروق بفرح : هيااا
شروق: نطلع بعباياتنا
نورة: لا تخيلي اشكالنا
انا: اجل وش نطلع كذا فاتشين
نورة: ايه وش فيها
انا: اقول اقضبي ارضك انا اتغطى
شروق: تكفين تراا توك ما كملتي سنة على ذا النقاب
نورة: تكفين نوف عاد لا تخربين علينا
انا: سوووري
شروق: طيب نورة جيبي ثوب من ثياب تركي و شماغ تتلثم فيه وبكذا تنتهي المشكلة ..!!
نورة: والله فكرة واحنا نكملها ملابس اخواني ووش رايك نوف
انا: اممممم خلاص موافقة.. بس اهم شيء الفلوس لا نتورط مثل ذيك المرة
نورة: ايه صح ..طيب يالله ادخلوا البيت عشان تقاوسون الملابس
انا: يالله امري لله بس تاكدي امك او احد في طريقنا ولا لا
نورة: طيب
نورة تاشر يعني يالله ادخلوا بسرعة
واحنااا نركض للدور اللي فوق
((في غرفة تركي))
نورة وشروق لبسوا وخلصوا من ملابس تركي كلهم بناطيل جينز وتيشرتات وكابات
اما انا لبست ثوب تركي ووصل لي لتحت الركبة وسروال فيصل يسحب بالارض
انا: لا والله ما نقصني الا فتحتين من على جنب واصير كني واحد من البنقاليين ؟!!!
نورة& شروق: هههههههههههههههههههههه
نورة: طيب خلاص باجيب لك ثوب من ثياب فيصل
انا: بس بيسحب بالارض
شروق: اجل روحي بهذا
انا: لا لا هونت جيبي ثوب من ثياب فيصل
جابت نورة لي ثوب والبسه وضعت بالثوب صاير وسيييييع ورضيت بالمقسوم
ترررررررررررررن<~~~~~ صوت جرس البيت
نورة: غريبة من اللي جاي ببيتنا الحين؟؟
شروق: يالله نطل من الشباك
ونناظر من الشباك الا المصيبة الغير منتظرة
انا بخنقة عبرة وخوف: ووش جاب امي الحين لا يكون تدورني ؟؟!!!
شروق: لا لا إلا اليوم.. يوم تحمسنا
وبصص ~
رد: قصة (هبالي عالم من اختياري ) منقول للأمانه الأحد نوفمبر 20, 2011 11:53 am