أنت تبكي !! ليه تبكي وش بلاك

أنت تبكي !! ليه تبكي وش بلاك ؟
......................... مِشِّ دمعك جعلهـم مـا يرجعـون


أنـت حـي ولا دَمَـرْك إلَّا حيـاك
......................... واللي قفَّوا كلهـم مـا يستحـون


ياخذون ولا بهم من قـال : هـاك
......................... كيف تبكي وانت خابرهـم عفـون


منت هالك لـَ ابعدوا عنك .. الهلاك
......................... لـَ انتخيت العون ..وانت اوَّل تعون


ناظر الْـَ قـدام .. وانسفهـم وراك
......................... باكـر الأيـام تجبرهـم يـجـون



لا تبيِّـن ضقتـك .. إرق اِبْسمـاك
......................... والله إنَّـك غيـر تملاهـم طعـون


من يطيح الدمع من عينـك تـراك
......................... راح تقضـي باقـي العمر امْغبـون


أنت ذيب ... وهَـ الأمكان من خُطاك
......................... تِرْتجـِـف .. واللي عليها يرجفون


المدى لك عيد ميـلاد ... وعُـواك
......................... لك شمـوع .. اللـه ياقـاك العيون


يا كثر ما تزرع ابْـغيرك دفــاك
......................... ويا كثر مـ َ الغير منَّـك..يحصدون


وش تبـي بالطيب..؟ الله اِيـهداك
......................... طيبتك مع بعض خلـق الله جنـون


اللي تعطيهـم ولـَ ايبيِّـن عطـاك
......................... جعلهم لا روَّحـوا مـا يرجعـون













مخرج



دارت دواير واستجـدت داويـر
..................... وانا أنا زي ما أنا مـا تغيَّـرت



كبير صـدري ما تهـزِّه صغاير
..................... طويل متني ياصل الغيم لا ثرت


يانا تخسَّـرت بْحياتـي خسايـر
..................... لكن ربحت أكثر من اللي تخسَّرت


وكل ما بغت عيني تهلَّ العبايـر
..................... يممت وجهي صوب مكَّة وكبَّرت

لـ الشاعر : ناصر الدهمشي.