يا احلى مراحل دنيتي ، يا الحب يا الشوق الأكيد
يا ضي عينـي ياغـرام القلـب يـا حوريِّتـه
يا ملهمتني بالقصيد اليا طـرا نبـض القصيـد
إلْك استفاض الشعـر وانتـي نبضـه وقافيِّتـه
لعيونك آسيّل بحور الشعـر لـو كانـت جليـد
لبى حروف الشعـر دامـه فـي غـلا راعيِّتـه
مبطي وانا قلبي غريب وعايـش بعالـم وحيـد
ما كنت احسب انه يبـا يبـرا وينسـى كيٍّتـه
لين امطرتني بالغلا بيض السحايب مـن جديـد
واخضّرغصنٍ مـن يباسـه مـلّْ حتـى فيّتـه
أي والله احيا بك غلا ، واحس نبضك فـالوريد
وقبلك عناقيـد المحبـة فـي ظلوعـي ميّتـه
كل ما طريت بخاطري ، والشوق في قلبي يزيد
لين اشتكر جرح السنين العوج من حنيِّته