بسم الله الرحمن الرحيم
كيفكم اعضاء وعضوات منتديات ابيك.؟ ان شاء الله منيحين
امممم شسمه وانا في جوله نتيه جذبني عنوان موضوع
كان عن شخص يتكلم عن مشكلته مع الحب وعالم النت ورغبته في
الزواج ممن احبها عن طريق النت
فحبيت انقل القصة وبعدها نتناقش في هذه القضية
القضية
اتركم اولا مع قضيته وعلى لسان صاحبها علما ان عمره سنه26
اممم مدري كيف ابدا لكم قصتي بس باختصار شديد اناانسان
محافظ والحمدلله اني لما اقيس نفسي
بالعيال اللي حولي القي نفسي ملتزم باشياء اللي بسني مايسويها
مو جوي بنات ولاشئ بحكم اني مالقي للعواطف بال كثير المهم تعرفت
علي بنت في يوم ما قبل 5 سنوات كان تعرف عادي بشات بعدها مسن
تطور وكذا وصار فون المهم البنت جد عقلها يوزن بلد البنت من ناحيه ثقه
فهي ثقه مو لااني احبها بس اختربتها وعرفتهاا وباين لي معدنها
المهم مالكم بالطويله انا كنت ادرس هندسه وماكنت اقدر اتزوجها حبيتها
من قلبي ولقيت فيها كل اللي ابيه وكنت اقول نهايه الغلط هدفي شريف
وباخذها وفعلا انا ابيها تخرجت والحين ابي اتزوجها بس المشكله انه كيف
اقول لااهلي ابي فلانه الفلان لانها بمنطقه غير منطقتي ومكان ثاني
والمشكله الاكبر امي تبيني اتزوج من قرايبنا وانا مابيهم ياهي ياما اتزوج
وامي راسها والف سيف هي تختار ابغي حل اقول لها انو ابي فلانه بنت فلان
بس ماتشك انو بينا شئ لان امي شكاكه شوي كيف بنجججججججن من
التفكير لااحد يقول دخل وسيط بينااالان مافي احد اقدر اقول له
وحطو في بالكم مسسسسستحيل اقول اني اعرفهااا لان البنت اعتبرها شعر
وجهي ومجتمعنا مايتقبل هالشي مهما كان نظيف يعلم الله انها ماقد شفت ظفر
لها ولابحلووم الليل واني صبرت وصابرت كل هالسنين عشان اخذها بالحلال وبدون
خوف بس ماني عارف كيف احل الموضوع وامي تقول برضاي عليك خذ فلانه وعلتانه
وابوي موقفه سلبي يقول مالي دخل انت وامك اصلح
اسئلة للنقاش
بعد قراءتكم للقصة.؟
من وجهة نظرك الشخصية هل انت /ي مع زواج هذا الشخص من هذه الفتاة
او لا.؟ ولماذا.؟
هل تتوقع لهذا الزواج لو تم النجاح.؟ام تتوقع ان يدمر ه الشك والخوف من الخيانة.؟
هل من الممكن ان تتزوج /ي بهذه الطريقه في يوم ما.؟
هل تتوقع ان يتقبل المجتمع زواجك بهذه الطريقه.؟
<<تتخيل لو رحت لأمك او ابوك وقلت انا احب وحده عن طريق النت
وابيكم تخطبونها لي؟
كيف ممكن تكون ردة فعلهم؟
اترك المايك لكم