ღأنا عماني وأفتخرღ
[
"]ღ ♥♥♥ ღ
عماني وافتخر بارضي ولا ني بالفخر مغرور
الى من قيل لي وش ديرتك قلت عمان
رفيع الراس بافعالٍ حقيقه ما تعرف الزور
تسطرها تواريخ الفخر صفحات ورديّه
♥
كتبنا المجد بعد المجد سنينٍ ماضيه ودهور
على صدر الزمن مكتوبةٍ بحروف ماسيّه
لنا الماضي لنا الحاضر لنا مستقبلٍ من نور
لنا التأثير في الدنيا ببصماتٍ حضاريه
♥
من الإسلام منبعها فمنهاجه لنا دستور
على درب الموحّد صادق الأفعال والنيّه
قابوس سليل المجد نور الكون في الديجور
ومن بعده رجال ارواحهم للدار مرهيّه
♥
توحدنا بعد كنا ضحية جهلنا والجور
وصرنا كلنا اخوه نعيش بكل حبيّه
من الآمر إلى المأمور منهجنا الإخاء والشور
على درب التساوي والعدل باوضاع مرضيّه
♥
وقدوتنا رجالٍ لاجلنا لو داسوا المخطور
يبون الدار مثل الشمس في الأكوان مرئيه
والى من بانوا الحسّاد واللي بفعلته ماجور
يبان الجد وقت الجد بافعال النداويه
♥
لتبقى ديرتي رمز الرخاء تحيا امن وحبور
بفضل الله وفضل اللي رعاها بكل حنيّه
قابوس ابو كل الشعب في برّها وبحور
اذا ناموا بقى ساهر لتبقى الدار محميّه
♥
عزيز النفس متواضع ولا يرضى بحني ظهور
ولا تقبيل يدّينه من اللي جاه لتحيّه
حماك الله يابلادي لتبقي حصننا المعمور
تعيشي لو فنينا كلنا نفدي عمان
ღ ♥♥♥ ღ/