قصه مؤؤؤؤؤثرره مررره لاتفوتكم

1975ميلادي\الرياض\مطار الملك خالد\الساعه العاشره مساءا

اسرع السائق عزيز الى سيده الانيق الذي كان يترقبه على احر من الجمر..فصافحه وحمل حقائبه <اهلين عزيز.. كيف حالك؟>..<الهمد لله بابا كويس> ثم فتح له باب سيارته ليركب وهو قلق جدا..<عزيز يالله روح المستشفى>..قطع عزيز الصمت الذي بينهما بعد فتره بسيطه محاولا زرع الابتسامه على وجه سيده ليطمئن<هازا ماما في تعبان اليوم صبح ..انا في ودي سرعه مستشفى بعدين بابا ناصر في كلام عزيز سرعه هازا بيبي ممكن ينزل في سياره هاهاها انا في مع...> قاطعه السيد بنظرات صارمه<عزيز مافي قرقر واجد..بسرعه روح مستشفى>..<اوكي بابا>..وانطلق عزيز مسرعا..
(على فكره..ترى ما طاح وجه عزيز)
وعندما اقترب من المستشفى لمح السيد حجرا ملتهبا يسقط قريبا من الموقع فازداد قلقه..

دخل السيد مسرعا الى غرفه الولاده حاملا حقيبته الشخصيه التي وضعها جانبا واسرع الى زوجته الحبيبه وهي مستلقية على سريرها حاملة طفليهما..<الف الف حمدالله عالسلامه يا نورة>..<الله يسلمك حبيبي ..ومبروك عليك جبت لك بنت تهبل زي القمر>..<الله يبارك بعمرك حبيبتي ..والله من اول ما جاني الخبر كنسلت رحلتي لليابان وجيت على طول>..ثم قامت زوجته بأعطائه المولود قائله.. <شوف يا حمد شوف هالبنت اللي تهبل ..تصدق يا حمد ما تصيح ابد ..شوف كيف مبسوطه بس ههههههههه>..التقفها الاب بحذر شديد <الللله ..بسم الله ماشالله ..اغغغغغا.. شوفي كيف تضحك هههههه.. يو ملتني سعابيل هالشقيه هههههههه..امممم شرايك وش نسميها>..<مدري يا حمد بس حاسه بنتي كلها حياة وامل..شرايك بأمل>..<امل امل ..وفيه شي احسن من الامل هههه..اوف بغيت انسى> ثم قام حمد باعطاء امل الى امها و اخرج من حقيبته علبة صغيره ..<حزري فزري انا قايب لك ايه ههههههههه>ثم فتحها.. <الللله وش هالخاتم الالماس اللي يهبللللللل..الله لا يحرمني منك يا حمد>.. واخذ يلبسها اياه قائلا<تستاهلين اكثر حبيبتي ..انا كم عندي نورة بس هههههه>..<ايه صح نسيت مافي الا انا ههههههه>..<هههههههه ......الا على فكره وانا جاي لمحت شي كأنه شهاب طاح قريب من المستشفى >..<الا الا..قبل لا تجي سمعت صوت غريب.. >..<اها>
ثم ابتسما وهما ينظران الى ابنتهما الوحيده..تنعم بنوم هاديء

وبعد مرور خمس سنوات

الرياض\حي الملك فهد\الساعه الثانيه صباحا......
ترن ترن..اضاءت الغرفه الرئيسيه لذالك القصر الفاخر عندما استيقظ الرجل المسن وهو يتمتم غاضبا..< اعوذبالله من اللي داق علينا الحين؟!.والله ناس ما تستحي..والله عيب>..ترن ترن..<لا حول ولا قوة الا بالله ..الو نعم؟!!>..(الو..هلا بابا.. بابا انا نورة)..<هلا نورة حبيبتي!!! ..بابا وش عندك متصله الحين.. وش فيه صوتك كذا لا يكون فيك شي؟؟!!!!!>..(لا بابا ما فيني شي..امل ..امل وينها ابي اشوفها..خلي كرستينا تحممها وتلبسها وجبها معك الحين..مشتاقة لها موت)..<الحين؟؟؟!!!..بس يا عيون بابا شوفي الساعه كم..وبعدين اخاف نزعج المرضى بدخولنا!!>..اخذت نوره تبكي بشكل غريب ومفاجيء..(بابا الله يعافيك الله يخليك جبها..جب املللللل..ابي املللللل..ابي اشوفها)..<انشالله انشالله..اوف اوف خلاص الله يهديك لا تبكين ..حرام تعذبين نفسك اكثر حبيبتي..انشالله بس مسافه الطريق وحنا عندك..يالله مع السلامه>..
(مع السلامه)

ادخلو امل بمفردها الى غرفه العنايه المركزه حسب رغبة نورة فاسرعت الى امها بفرح عميق لا يوصف وارتمت في احضانها (ماما...شوفي جدو ناصر شرى لي حلاو كثييير).. <ههههه الله يعطي جدو ناصر العافيه>..تأملت الام عروستها الوحيده مداعبة خصلات شعرها وهي تقول..< امل ماما ابيك تصيرين شاطره و قويه حبيبتي >..(ماما انا قويه ..ذيك المره عضيت فهودي عشان هو اخذ كاكاوي)..<ههههه لا يا حبيبتي هذا ولد خالتك لازم تحبينه >..(ماما صح اللي يشرب لبن كثير يصير قوي)..< هههه صح يا حبيبتي..صح.. امل حياتي..ماما يمكن تنام وما تصحى.. ما تصحى ابد.. ولا تخافين انا بس نايمه حبيبتي..بس نايمه..>حاولت نورة حجر دموعها بكل ما تملك من قوة اراده ثم اردفت قائله...< عشان كذا انتي لازم تروحين عند بابا>.. وعندها نطقت امل مخنوقة بالبكاء متعبرة..(ليش تنامين وما تصحين..كل الناس يصحون اذا جا الصبح يا ماما..ليش ما تجين معنا البيت الحين..ليش انتي هنا ) ..<اشششش يا بعد عمر ماما انتي..حبيبتي ما اقدر.. بابا يقدر يصحى الصبح ..وابيه اذا صحى بكره يشوفك بجنبه وتصيرين بنت شاطره ومؤدبه تسمعين كلامه >..(لا ماما انا احبك انتي ما احب بابا عشان هو ليش يتركنا..انشالله ربي يحطه بالنار احسن)..<لالالا عيب يا ماما.. بابا يحبك كثير حتى دايم يجيب لك العاب صح>..(ما ابي الالعاب خليه ياخذهم كلهم ..انا ابيك انتي يا ماما..ابي انام معك )..<امل بس ..بس حبيبتي لا تخليني اتعلق بالحياه اكثر>..
ادمت اعين الام دموع المودع..و اخذت تشبع ناظرها الحنون قبل الرحيل..
ثم احتضنت ملاكها بقوة عندما احست ببرود في جسمها الهزيل...
وفجأه اعلنت الاجهزة المرتبطه بجسد نوره عن حاله الخطر واجتمع الطاقم الطبي بلحظات وانتزعو امل من احظان امها بجهد وهي تئن بعمق..<امل...امل..لا تاخذون بنتي خلوها...خلوها معيييي..اه>..واخرجوها الى الخارج فالتقت بجدها وهي تبكي(جدو شوف الدكتور يبي يغز ماما ابره عشان تنام..جدو لا تخلي ماما تنام)..احس الجد ناصر بأن الامر خطير فحاول الدخول عندما منعه احد اعضاء الطاقم الطبي..<دكتور وش فيه...طمني يا دكتور بنتي فيها شي..قلي نورة فيها شيييي>...< لا ابد ما فيها شي بس ازمه بسيطه وتعدي انشالله..خليك برا لو سمحت> ثم اقفل الباب من خلفه...وبعد فترة من الانتظار خرج الدكتور خائب الامل واستدعى الجد ناصر وهمس اليه ببضع كلمات.. <حنا سوينا اللي علينا لكن جسمها ما كان يستجيب ابد...وهذي مشيئه الله ..عظم الله اج >..
< لا نورة ما تموت بنتي ما تموت لا يا دكتور لا>..وقاتل للدخول الى الغرفه ومنعوه بقوه حتى سقط مغشيا عليه.. فاسرعت امل الى احضانه..(جدو ابي ماما..ماما)

هكذا فقدت امل اعز ما لديها ..ولكن الحياة يجب ان تستمر ..نعم يا امل يجب ان تبحثي عن الامل وتلتزمي بنصيحة امك الغاليه التي اختارها الله عز وجل.. محبة ورحمة بها..
هيا يا امل فالحياه ما زالت امامكي..والحياة جميله..
خرجت امل من المستشفى ومسحت دموعها وحينها قطعت عهدا على نفسها بأن لا تبكي مرة اخرى

ودارت الكرة الارضيه حول نفسها حتى ينجلي ذالك الليل الأليم.. بصبح مليء بالأمل
ثم اكملت دورانها حول الشمس وتتابعت الفصول والسنين

1996ميلادي\جامعه الملك سعود\كليه طب الاسنان

تحدثت نوف الى زميلتها وهما خارجتان الى خارج مبنى الكليه حاملتان نتائجهما النهائيه لهذا العام
<ماشالله عليك يا امل وش هالدرجات يا الدافوره..اثريك تذاكرين من ورانا ههههههه..الف مبروك حبيبتي >
.. (ههههههه ..الله يبارك بعمرك .. يالله افتكينا من غثا الدراسه..بعدين تعالي يوم ضحكتي شفت سنك مسوس ..تبين اعطيك بوقس اقلعه لك هههههههه )..
< ماشالله خوش دكتوره والله ههههههههههه ..اممممم على فكره لا تنسين يوم الخميس 22\4 >.. (يوم الخميس ؟؟؟!!! ليه وش فيه...ايييييييييييييه صح نسيييييت ).. ثم توقفت امل وضعت يديها على كتفي نوف(والله فرحانه لك يا دبه من كل قلبي..الف الف مبروك عساه بس يستاهل طيبتك وخفة دمك يالخبله ).. < يا ويلك من الله.. بس هذولي ههههههه.. وحده واثقه مره >.. ( هههههههه..ايه وحلاتك بعد ..الله يسعدك حبيبتي قولي امين ).. <امين وعقبال ما نفرح فيك عروسه زي الأمر >.. (ايوه يختي من بؤك لباب السما ههههههههه ).. <هههههههه >..
توقف السائق عندما خرجت امل من المبنى وفتح لها باب السياره لتركب مودعه نوف(على فكره نوف كم باقي له ؟؟ ).. < اممممم ..تقريبا شهر >.. (اوه كويس يمدينا نسافر ..يالله باييييييي ).. <باييييييي حبيبتي >..

استقبلت امل مكالمه من هاتفها النقال حين دخولها القصر(اهلييين فهودي ).. <اهليييين امولتيييي >.. (اسمع يا دب انا الحين داخله البيت اكلمك بعد الغدا ...اوه في سوالف واجد.. يالله باي ).. <اوكي باي >..

انهت امل المكالمه عندما اسرعت الى أبيها وزوجته على طاوله الطعام فبادرها الاب محييا وهي تقبل رأسه<هلا والله بالدكتوره الحلوه الأموره >.. (يوه يا بابا توني باقي لي سنتين ).. <هههههه قولي انشالله..المهم يا بنتي بشري شلون نتايجك؟؟؟؟ >.. (اصبر اسلم على ماما حنان اول ..اممممممواه احلى بوسه لاحلى ماما هههههه ).. ابتسمت حنان بهدوء غريب وكأن في قلبها شيء< اهلين امل..ها بشري شلون نتايجك >.. تغير وجه امل واكتأب وهي تجلس مقابل ابيها قائله(الحمدلله درجاتي زينه..اعلى درجات في الشعب كلها ).. <ماشالله الف الف مبروك يا بنتي الف مبروك >.. (الله يبارك فيك بابا ).. ومازلت الابتسامه الصفراء مرسومه على وجه حنان وهي تقول<مبروك يا امل >.. (الله يبارك فيك ).. ابتسم الاب بينهما محاولا تلطيف الجو ثم اخذ ينادي<ميريييي ميريي.. بسرعه جيبي القاتوه حقت امل >.. (اوه.. مشكور يا بابا ما تقصر )..
وبعد انتهائهم من الغداء.. وبينما هم يتناولون القاتوه والحلويات<ها يا امل وش رايك ..وين تبين نسافر الصيفيه هذي؟ >.. (والله مدري يا بابا ..بس بصراحه لندن وباريس مليت منها ..شوف ماما حنان وش ودها ).. <لا يا امل السفره لك انتي مو لي..وبعدين انا يمكن ما اسافر معكم >.. (اها....والله حيرتوني بصراحه.. حتى جنيف مدري ما ودي..اوروبا كلها مالي خلقها ).. <طيب وش اللي في بالك؟؟ >.. (امممم ابي شي غريب شي تروبكال ما يكون كلاسيكي..كذا جزيره وبحر زي اللي في فلم البحيرة الزرقاء هههههه..اممممم بابا..وشرايك بجزر هاواي في امريكا؟! ).. <يا حبيبتي لا تسألين..هذي هديه نجاحك ..انتي بس اشري على المكان اللي تبينه واوديك >.. (تسلم يا بابا الله يعافيك ويعطيك طوله العمر انشالله ).. <أفى عليك بس..انا كم عندي اموله حلوه وشطوره..وبعدين كويس تصدقين ما عمري رحت لهاواي ههههه >.. (ههههه..يالله بابا انا بروح انام شوي تعبانه ).. <اوكي نوم العوافي حبيبتي >..
اتجهت امل الى جناحها الخاص القابع في الطابق العلوي وهي تقول(بابا لا تنسى ..لازم نرجع بدري عشان زواج صديقتي نوف )..

دخلت الجناح مسرعة الى الهاتف واجرت اتصالا<اهليييين امولتي >.. (هلا فهودي..اخبارك يالشين ).. <ماشي الحال..وانتي اخبارك يالقمر >.. (لا الحمد لله اخذت الاولى هاهاي ).. <مبروك يالمصريه..ودي اعرف بس شلون تذاكرين ههههههاي >.. ( شدعوه عاد والله حنا يالسعوديين اذكى منهم وبعدين قل ماشالله يالشين ).. <سفره دايمه هههههههههه لا ماشالله وعقبال التخرج حبيبتي >.. (تسلم حبيبي..بس تصدق فهودي..ضايق صدري شوي ).. <ليش عشى ماسر >.. (هههههه سر في عينك..لا بس ماما حنان..مدري ليه يا فهد تكرهني..احترمها واعتبرها زي ماما بس ما في فايده ..فهد انا مليت من العيشه هذي والله معيشتني بعذاب من يوم وانا صغيره ).. <يا بنت الحلال تعوذي من الشيطان وفكينا من هالسيره..وخلينا ننبسط ونضحك >.. (ولا يهمك حبيبي.......ايه على فكره نسيت اقولك..تعرف تركي ولد عمي ).. <ايه وش فيه!!! >.. ( امس جا خطبني ).. <اها >..
توقف فهد عن الكلام عندما اشتعلت نار الغيره في احشائه وهو لا يدري ماذا يقول
..وبعد فتره سكون بينهما(فهد وشفيك.. ليه ساكت؟؟!! ).. <لا ولا شي..بس ما عندي شي اقوله غير مبروك >.. (يوه يالشين يعني على بالك انا موافقه ).. <امل خلينا واقعيين ..تركي افضل مني باشياء كثير وهو اولى بحكم انه ولد عمك >.. (طيب وانت ولد خالتي.. شوف يالشين هو صح تركي خطيب ما يفوت ..يعني اذكره حبوب وسيم وماشالله معه بكالورس هندسه كهربائيه..لكن انا احبك انت..فاهم وش معنى احبك انت..فهد حنا تربينا سوى وحبينا بعض من زمان ..ههههه تذكر يوم يلبسوني عروسه وانت عريس ويزوجونا ههههه ياربيييه كنت دبه وانا صغيره ).. <هههههه..يوه الى الان الشريط عندك >.. (ايه اضحك ..اضحك يا بعد عمري انت ).. <بس يا امل انا نفسي ماني عارف وش معنى الحب..يعني انتي حلوه مره واي واحد بيحبك ..حتى بديت احس اني حبيتك عشان شكلك بس ..امل انا خايف عليك ..وخايف على نفسي بعد >..
(يا فهودي يا حبيبي الحب مجرد كلمه.. نقدر نغيرها..امممم يعني مثلا وشرايك نخليها حليب زنجبيل ).. <ههههههه >..
(هههههه لا من جد لا تضحك يا دب..تخيل كذا ..حنا بدو في الصحراء..وانا بنت شيخ العربان عفجان الحلوه مرتن طيبتن بالحيل..وانت فارس القبيله الشجاع الخطير اللي ما يدري وين الله حاطه ).. <ههههههه اوريك يا دبه >.. (هههههه وشاب نارك وجالس تشرب حليب زنجبيل ).. <ايه وداق لطمه بعد ههههههههاي >.. (ههههههههه يا غبي شلون تشرب وانت داق لطمه ).. <لا تخافين معي مزاز..شاق جيبي من تحت ومدخله >.. (حشى علبه سنتوب هههههههههه ).. <ايه ومكتوب على شماغي المغبر رج البدوي قبل الاستعمال >.. (هههههههههههههههههههههه.. الله يقطع بليسك يالخبل..المهم وابوي شيخ العربان عفجان منظم سباق واللي يفوز فيه يتزوج بنته زهرة بنات الصحراء ..والله يا انا واثقه بعد هههههههه..المهم ويجيك الخبر وانت قاعد تشفط حليب زنجبيل..تقوم وتصرخ صرخه مدويه وترمي حليب الزنجبيل وينكب على النار وتطفى وتركب على الفرس وتسبق الريح مع اني داريه انك داج ما تعرف تركب سيكل بس يالله )..

<ههههههههاي واجي الا كل فرسان القبايل الشجعان متجمعين للسباق واخذ لي فره حولهم زي وليام ولاس واستل سيفي وارفع غزاله بسيكلي مدري حصاني واقول..بالعون ما يفوز بزهرة الصحراء غير شخطان شرشبيل ابو حليب زنجبيل على سنة الله ورسوله لغير اطخكم >.. (هههههههه ايه عاد تكون عندك غيره و دافع قوي لانك تموت فيني و من نفس قبيلتنا وتفوز بالسباق بالغش طبعا هههههههه ).. <هههههههه وادق لطمه واجي مشوت تربتيت وافحط عند باب مدرستكم ههههههههههاي مدري خيمتكم..واقول بالعون اني فزت بالسبق يا زهرة يا بنت المعلم عفجان الدمنهوري ههههههههاي قلبنا مصاريه >.. ( وتدور عن الكلمه اللي تعبر فيها عن مشاعرك عن غرامك فيني وتضحيتك وتعبك بفوزك بالسبق..وبحكم انك في اخر الدنيا مغبر ما يوصلك الارسال و ما تدري عن كلمه اسمها حب..فتركبني وراك بالفرس وتنطلق فيني بين الواحات والنخيل ..وتوقف وتقطف لي زهرة خزامى وتقدمها لي وتقول ..زهرة يا حليبة زنجبيلي ).. <وبعدين تناظرين فيني وانتي تبكين مانتي مصدقه اني اخيرا قلتها..وتخميني بقوة وتقولين شخطان يا حليب زنجبيلي اهي اهي احلبك احلبك والله احلبك >.. (هههههههههههههههه حلبك برص قول امين يالخبل ههههههههههههه ويلموني فيك يا فهودي ).. وبعد فتره صمت ليست بالكثيره تحول صوت امل الى صوت خافت اكثر نعومه وحنانا..

قوة حب امل العذري (الاغنيه) اظغط هنا

(فهد ).. <هلا امولتي >.. (فهد احبك ).. ارتبك فهد ولم يستطع ان يجاري تلك الكلمه القويه التي تدعمها مشاعر امل الصادقه في صوتها والنابعه من وريدها فاكتفى بالسكوت
(فهد انا عشت يتيمه في عذاب..وماما حنان عمرها ابد ما حبتني ..احيانا اقول يمكن عشان ابوي اتزوج امي عليها..لكن ولو انا وش ذنبي يا فهد..ابي اعرف وش الذنب اللي سويته ....... ).. < كفايه حبيبتي..كلها فتره بسيطه انشالله واجي اطلعك من العذاب اللي انتي فيه..واعوضك عن كل شي ..امل انا مستعد اضحى بكل شي بس اشوفك مبسوطه..من جد يا امل ودي اعيش بس عشان اسعدك ..لكن لازم تنتظريني..تنتظريني يا امل؟؟ >.. (فهد انا مستعده انتظرك العمر كله ...وربي ماني متخيله نفسي مع واحد غيرك
لكن بليز فهد لا تطول ...انا طول عمري احلم اني اجتمع بالشخص اللي يحبه قلبي بالحلال واكون بيت اربي فيه عيالي .. ارجوك فهودي لا تبطي علي وتحرمني من هالحلم ).. <الللللله يا امل ..تخيلي حنا عندنا عيال >.. (ياربيييييييه يا فهد متى يجي هاليوم ).. <تحسين انه في كائن حي يربطنا بعلاقه قويه ويملك احلى صفاتنا >.. (يوه يا فهد اسكت ترى خلاص ببكي ).. <ههههه..امممم طيب اذا جانا ولد وش نسميه >.. (لا انشالله تجي بنوته تهبل زي القمر هههههه ).. <لا ولد >.. (لا بنت ).. <هههههههه..كذا مشكله ..اجل انشالله يجينا توأم ولد وبنت >.. (ونسمي البنت على اسم ماما الله يرحمها.. وانت الولد على كيفك ان بغيت تسميه حليب زنجبيل انشالله ههههههه ).. <هههههههههههاي انتي وش قصة اهلك مع حليب الزنجبيل >
.. (تصدق عاد اسمع فيه ولا عمري ذقته هههههههه..................يالله حبيبي والله طولنا .. انا لازم اقفل الحين)<اوكي حبيبتي >
.. (امممم..احتمال اعطيك الو بالليل ..اوكي؟ )
.. <اوكي خلاص >.. (يالله باي..امممممموه ).. < يوء...وشي هذي >.. (هههههههه لا ولا شي..باي ).. <هههههه باي......... >..

اشرقت شمس هاواي وفي افخم الفلل السياحيه هناك استيقظت امل مبكرا واخذت حماما ساخنا لتبدأ يومها بنشاط وحيويه ثم أدت صلاتها ونزلت الى المطبخ (ميري صلحي لي فطور بان كيك وعصير برتقال وحطيه في البلكونه اوكي؟ )..
<اوكي ماما >.. وخرجت الى الشرفه لتطل على اعظم ما رأته عيناها من مياه عذبه وانهار زرقاء تخترق جبال متلبده باشجارعملاقه فاقعه الخضره في اواسط جزر صغيره متقاربه..

فاستنشقت هوائها العليل واطلقته بعنف(اه...الللللللللله..والله الدنيا حلوه ).. ثم ابتسمت واخذت ترسم احلامها واطمأنت على حبها الكامن في قلبها الذي بدأ يدفق وردا احمرا كلون الدم الى باقي اعضاء جسمها عندما وصلت بسيرة فهد الى ذهنها...

<صباح الخييير..اللله اللله وش هاللبس الزين..مين البنت الحلوه هذي..معقوله هذي بنتي ههههه >.. اسرعت امل الى ابيها الذي قطع حبل افكارها عندما دخل الي الشرفه فقبلت رأسه ويده وهي تقول(هههههههه صباح النور يا بابا ..هذا اللي شريناه امس من الشاطيء نسيت... ).. <اها >.. (لحظه اقول لميري تصلح لك فطور..وش مشتهي بابا؟؟ ).. <لا مابي شي >.. (طيب تبي انا اسوي لك فطور ).. <لا يا حبيبتي والله ما لي نفس ..افطري بسرعه واتجهزي عشان الباكيج بيتحرك بعد ساعه >.. (بابا الله يخليك نبي نروح اليوم مكان البراكين ).. <انشالله حبيبتي بس ناخذ جوله على البحيرات الحاره قبل >.. (هييييييييييه ياسلام هههههههه )..

احظرت ميري الفطور وضعته امام امل التي انقضت عليه بشهية مفرطه ..وبينما كانت تاكل<امل امس اتصل علي عمك خالد يسلم وكذا.. وسأل عنك بعد..ويبارك لك النتيجه >.. (سالت عنه العافيه..والله اشتقت له ).. <و..وسألني عن رايك >..توقفت امل عن الاكل(رايي!!!..رايي بايش؟؟!!! ).. <بالخطوبه..بصراحه يا بنتي انا مستحي منه واحرجني بالحيل >.. (يوه يا بابا فكنا من هالسيره خليها بعدين اذا رجعنا ).. <بس ياحبيبتي حنا تاخرنا عليهم بالرد بدون سبب وبعدين تركي ولد عمك مو غريب..وما اظن فيه عيب او نقص بالعكس اي بنت تتمناه >.. (بصراحه مدري وش اقولك يا بابا ).. <شلون ما تدرين!!! ..انتي انشالله بتوافقين >.. (ما ظنيت ).. <شلون؟؟؟!!!...انشالله تبيني ارد اخوي وتفشليني معاه ..هذا اللي ناقص بعد >.. (بابا ارجوك..تركي مو هو اللي اختاره قلبي ).. وعندها غضب الاب وضرب بيده على الطاوله التي بينهما.. <وش هالخرابيط..قلبي ما قلبي..البنت مالها الا ولد عمها والله ماني راد اخوي عشان حبك وخرابيطك >.. (هذا انت يا بابا ما تغيرت..دايم تهمك مصلحتك وعمرك ما فكرت فيني )..
ارتبك الاب وتلعثم قائلا... <شلون ما افكر فيك وانا ما خليت شي الا واجيبه لك >
.. (بابا انا ما تهمني فلوسك وقصورك وسياراتك..انت ما حاولت تحس فيني تحس بقلبي ..بابا انت تخليت عني من يوم وانا صغيره..طلقت امي الله يرحمها وتركتنا نواجه مصيرنا ).. لم يستطع الاب ان يتحكم بغضبه فصفع امل صفعه قويه <عيب عليك يا بنت >..
سقطت امل على ارض الشرفه من جراء تلك الصفعه ثم دخلت الى الفيلا مسرعه..
وبعد فتره من مراجعه الحسابات و تأنيب الضمير احس الاب بذنبه وذهب اليها وكله حسرة وندامه<امل حبيبتي >..ولم تلتفت اليه <امل حبيبتي انا اسف ..سامحيني ما كان قصدي..فتره غضب >..ومازلت امل صامته<اوف تاخرنا على الباكيج يالله حبيبتي تلبسي عشان نروح >..واخذ يسوقها بحنان وعطف وهي تقول(لا بابا ماني رايحه اليوم ).. <والله تروحين حبيبتي الا اذا كان تبين ازعل عليك هذا شي ثاني..ها تبين بابا اللي يحبك يزعل عليك؟؟ >..وعندها قبلت امل رأس ابيها قائله (بابا انا بنتك وانت تملكني وتامر علي ...خذ مني كل شي ..الا قلبي يا بابا ..انا لا يمكن اتزوج تركي وهذا رايي الاخير ).. <اوكي حبيبتي ولا يهمك مالك الا طيبة الخاطر ..بس يالله يا اموره بسرعه تاخرنا..او اليوم بنروح البراكين من قدنا ههههه >.. وابتسمت امل بهدوء(انشالله بس ثواني اتجهز ).. <ولا بعد محظر لك مفاجأه..حزري وين بنتعشى الليله.... في الجزيرة العائمه >.. ( هييييييه يا حظنا..ههههههه )..

قضت امل في تلك الرحله اجمل ايام عمرها وعادت بحماس لتحظر زواج زميلتها نوف وكلها حيويه ونشاطا لتبدأ سنة دراسيه جديده...

وفي ليله الخميس الموافق 22\4 اطفأت انوار قاعه الاحتفلات لاحد الفنادق الراقيه جدا لتضيء لنا ممرا يؤدي الى عرش الزوجيه وعلى دقات الموسيقى ادخلو العروسه نوف بخطوات هادئه متزينة بالحلي الماسيه وبثوبها الابيض الحريري الباهض الثمن الذي يجره خلفها مجموعه من الفتيات حاملين باقات من الزهور البيضاء والشموع البلوريه..وعلى اطراف الممر ومن بين الحظور همست شهد الى زميلتها
<ههههه امل شوفي نوف مره رايحه فيها>..( هههههه.. يا بعد عمري يا نوف..والله تهبل تاخذ العقل ..الله لا يضرها ويحفظها من كل عين)..<يويويو اسكتي اسكتي جت.. >..واخذت شهد تنادي بصوت خافت
<نوف ..نوف هنا> التفتت نوف بشكل غريب وكأنها رجل آلي لتقع عيناها على امل وهي تبتسم اليها فأحست بنوع من الراحه والاطمئنان
..بانت نوف مرتبكة جدا وهي تاخذ انفسها بصعوبه عندما اجلسوها على الكرسي واضيئت لها الانورا ..هدأت الامور بالنسبه لنوف عندما اخذت الفرقه السمراء المخضرمه بضرب الطبول والدفوف وبدأ الغناء والرقص..كانت الفرحه عارمه حتى كبار السن اخذن بالتصفيق بحراره والبعض منهن رقص بشكل خفيف وفي مكانه..انها مناسبة لا توصف..حاولت شهد ان تقنع امل بالرقص معها
<يوه يا شينك يالله امشي نرقص >..(لا والله شهوده حاسه نفسي تعبانه شوي..وبعدين بجلس مع نوف بالمنصه نصور سوى>..غمزت نوف الى شهد بعينها قائله<ايه خلاص خليها عندي وانتي روحي طامري لحالك بس لاتبعدين >
..< اوف ياشينكم عاد>..ثم اخذت شهد ترقص ببراعه وهي تتبادل الابتسامات مع نوف وامل فاصطدمت باحدى السيدات وقعت على الارض..انفجرت امل بالضحك ولم تستطع نوف كذالك منع نفسها ..صعدت شهد الى المنصه بعدما التقطت شتاتها واستوعبت وضعها من هول السقوط..
<تضحكون علي ها..طيب طيب ان ما وريتكم ههههههههه..ما شفتها الله يقطعكم كنت اناظر فيكم هههههههههه يوه وش هالحوسه تفشلللللللللت ههههههههههه>..(هههههههه ليتك شفتي شكلك وانتي بالارض ههههههههههه)..وعندها نطقت نوف بذهنها الشارد بعيييدا.. <ههههههه اي والله كأنها وحده طايحه>..(هههههههههههههههه لا ياشيخه اجل هي وش كانت )..<ههههههههههههههههههه لا الظاهر اني كنت طايره>..(نوف وش فيييييييييك هههههههههههههه مو منك والله من الهم اللي براسك ).. <اسكتو والله مدري وش تقولون مير خلوها على ربكم ههههههههه>..استمر الثلاثه بالضحك طويلا حتى ذهبت امل وشهد وجلستا على احدى الكراسي بعيدا لاعطاء نوف نوعا من الخصوصيه مع اهلها واقاربها..وبينما ههما جالستان..(شهد والله مدري شفيني اليوم )..<ليه عسى ماشر>..(مدري حاسه اني تعبانه وفيني دوخه)..<لا يا شيخه تلقينها من صجة العرس لا تصيرين موسوسه عاد>
..(يمكن................شوفي شوفي نوف تناديك روحي لها)..اقتربت شهد من نوف التي همست في اذنها ثم ابتسمت شهد بخبث وهي تنظر الى امل قادمة اليها..(ها وش قالت لك نوف؟؟)..<لا ولا شي ..ياسلام حطو الاكل يالله بسرعه ندخل قبل الزحمه>..(اصبري توهم ما قلطوا)..وضعو الطعام بعدما اخرجو نوف من القاعه ليتم زفها بفتره..وكانت مائدة لا توصف..عشرات الاصناف من المقبلات وعشرات الاصناف من اللحوم التي طهيت بطرق مختلفه وغريبة تبهر الناظرين..ومجموعه كبيره من الحلويات الشرقية والغربية والتي تم صفها بطريقه تجعلك تنهي اكلك بسرعه لتصل اليها..تماما هذا ما فعلته امل وشهد..<امل ذقتي ام علي..لا تفوتك تجنننن تاخذ العقل>..(اوكي بروح اجيب)..<لا خليك انا اجيب لك>..احظرت شهد طبق الحلويات وضعته امام امل..وبينما كانتا تأكلان..<ههههههههه الله يقطع بليسك يا نوف اجل كأني وحده طايحه هههههههه>
..( ايه مخها مو فيه مسكينه ههههه...........شهد عن اذنك بروح دورة المياه الله يكرمك )..اسرعت امل الى دروة المياه وقد احست بألم شديد في معدتها فاسترجعت ما اكلته من طعام بطريقه بشعه ..ثم اخذت تنظف ثيابها وتنظم انفاسها..وتأكدت من شكلها في المرآه وعطرت فمها وجسمها وخرجت الى القاعه مرتن اخرى..وعندها استقبلتها شهد بحماس <امل شفيك تاخرتي..يالله بسرعه بدو يطقون..لا يفوتنا الرقص>..نعم بدأ الرقص ولكنه هذه المره يختلف تماما عن السابق ..فقد حان رقص المحترفين..(يالللله شهد..شوفي ذيك ام احمر يهبلللللل رقصها)..نظرت شهد الى امل بخبث قائله..<اممممم يهبل رقصها ها..مدري من اللي ترقص اسباني ولا علمتنا..وانا اقول ليش فستانك برتقالي وشكله غريب ولا مجدله شعرك ظفيره وحده بعد>..(هههههههههه لا ما اعرففف )..<لا يا شيخه ..ترى نوف قالت لي ..وقالت اليوم لازم ترقصين اسباني والا ترى بتزعل عليك>..واخذت شهد ترغمها على الوقوف..(لا يا شهد والله ما اعرف وبعدين تعبانه شوي)
..<طييييييييب انا اوريك>..اسرعت شهد الى الفرقه واطفأت الاستريو واخذت المايكروفون حيث طلبت من الجميع الهدوء قائله..<انتباه انتباه..اليوم حظرت بنت مزيونه تهبل مخصوص عشان تورينا الرقصه الاسبانيه المعروفه>..]>..ثم ذهبت الى امل وسحبتها من يدها <يالله يا امل ..حيوها>..احمر وجه امل حتى كاد ان ينفجر دما وهي تنظر الى الجميع يصفقون بحراره طالبين منها الرقص..(هههههه حرام عليك يا شهد وش سويتي فيني)..< اقول يالله بلا دلع بنات>..(اوكي بس خليهم يحطون اغنيه سريعه شوي)
..<ههههه لا تخافين نوف عطتني شريط اسباني>..(يوه طابختها من زمان الدبه هههه)
ثم وقفت امل وحيدة في ساحة الرقص واخذت وضع الاستعداد حيث التقت بيدها في الاعلى ومدت احد رجليها..وبدأت مع الاغنيه برقص اسباني منظم وهاديء ثم بدات تسرع شيئا فشيئا حتى انسجم جسدها وعقلها تماما ..تحولت جميع الانظار اليها..شيء لا يصدق..تلك الفتاه الجميله الجذابه وذالك الجسد المرن المتناسق يرقص باحتراف..حتى الاطفال الذين كانو يسرحون ويمرحون بعيدا توقفوا لرؤيتها..كانت حدث الليله وحديثه..
انتهت امل الى وضع الدوران السريع فأحست باظطراب شديد في الرؤيه التي انحجبت تماما عندما

عندما ماذاا ياحلويين
ردود وأكمل هع

مشكورة

يسسلمموآ

» تكت مررره حلوة
» حلى الشوكلاتــــــــه لذيذ مررره
» شعر يضحــــــــــــك مررره عن المدرسه.. ادخلو بسرعـــــــــــه
» حلى القهوه سهل ولذيذ مررره
» صور اشلي تسيدال مررره حلوه