السلام عليكم ورحمة الله
كيف الحال شو الاخبار
العرس وما ادراكم ما العرس .. يوم ادش المنتدى و اشوف المواضيع اضحك .. اللي تسأل عن المكياج.. الفستان..البطايق.. الكوش .. واللي تبا تضعف واللي تبا تعدل جسمها.. وبعد العرس اللي تبا تخوز كرشتها واللي تبا تهدي ريلها.. احس كل حد يبين ان العرس شي بسيييط وكل شي يمشي فيه باسرع واسهل ما يمكن.
لكن الحقيقه المره ان العرس شي صععععععب وكله مذله ف مذله
اول شي ببدا فيه (( البنات))
الوحده فينا من توصل 11 يبدون اهلنا يطرون العرس جدامنا.. امهاتنا ولا خواتنايتمصخرون علينا ويقولون ها متى بتعرسييين
نحن حليلنا اللي تقول خسي .. واللي تقول لا انا بتم ويا امي واللي تشرد اونها مستحيه... لكن عقب فتره يبدا عقلنا يخترب وتتسرب فيه فكرة الزواج.. ونتم نفكر ليل نهار بفارس الاحلام وزوج المستقبل.. المشكله يا نااس ان اعمارنا تكون بعدها 17 ولا 18 .. يعني عمر الزهور العمر اللي لازم نستانس فيه ونلعب ونحلل شبابنا .. ونحن الغبيات نضيعه فهالتفكير التافه.. ومن نوصل ال 20 يبدا الكل يسألنا ..
يا بنت متى بتعرسيين
متى بنكشخ يالله بسرعه عرسيييي
افف وين هالريل .. وييين منخش
والاسئله طبعا ماتخلص.. والجواب هو الصمت الدائم.. يعني شو تبونا نقول.. اللي تقول انشالله قالو عنها مستخقه ومستعيله عالعرس.. والساكته قالو مافيها لسان ترمس .. يعني ماعرفنالكم الوحده تبتسم ولا تسوي عمرها ماسمعت احسن هههههه
اعرف اني وايد متحمسه.. بس اليوم وانا يالسه ارمس ربيعتي العزيزه x.a7ibny.x كنا اناقش هالمواضيع بحراره.. فقررت اني انزل هالموضوع يعني بنات لازم نعيش حياتنا شوي نستانس نطلع نسوي اشياء نروم نذكرها عقب ونضحك عليها.. ذكريات .. انجازات.. مغامرات.. لكن طبعا كله فالجانب الصح وبمشورة اهلنا.. لكن بعد مع شوية خبال بنات هههههه .. بس لازم من اليوم ورايح نعيش حياتنا ونحلل شبابنا.. ونحافظ ع صحتنا وجمالنا لين ايينا زوج المستقبل اللي بيعيشنا في سبان ونبات.. لان محد بييج اذا تميتي منخدرة فالبيت وتترين وتاكلين وتسمنين وعقب اتمين ف جبده ..خلج ممتعه وعندج شي ترمسينه فيه لانه اذا سالج شو حياتج قبلي شو بتقولين كنت اترياك
القسم الثاني وهو الاصعب بمليووون مره هو (( الشباب))
هاذييل يبالهم مقاله عن معاناتهم ويا الزواج.. طبعا نحن ك خوات وامهات لهم .. لازم نحن ع روسهم لين يقتنعون بالزواج.. طبعا الاعذار جاهزه عندهم
بعدني صغير
ماعندي بيزات
مب مستعد احكر عمري والتزم بزوجه وعيال ... الخ
لكن طبعا مع حنة الام وزنة الاخت يتم الموضوع بنجاااح وفوقها ابتسامه حلوه من اخونا المقبل عالزواج هههه ... وتبدأ المرحلة الاساسية
وين البنت
طبعا الولد يحط لسته طويييييييييله عريضه.. اباها طويله .. حلوه.. بس مب اي جمال .. طبعا الواحد فيهم يعطيج معايير خياليه ماعرف من وين يايبنها ولا بالقياس والمشكله نص شبابنا مايتشاهدون ليش هالتفلسيف ماعرف .. واللي يباها متدينه ولا متفتحه .. متحجبه ولا يباها تطلع شعرها.. شعرها طويل ولا قصير.. خشمها دقيق ومابا فيها حبات خال.. يعني ماعرف من وين انييب هالبنت.. وطبعا الام ماتخلي عرس ماتدور فيه ولا عزيمه ولا عزا حتى لو تطلب الامر ( ماتعرفون الحلوات وين يتواجدن هههه ) والمسكينه اذا حصلت وحده تطلع معرسه ولا مخطوبه .. والاخت مسكينه تسوي اعلان بين ربيعاتها وربيعاتها لربيعاتهم لين توصل السالفه قطر .. واخيرا اتي الام وتقول حصلتها كلولولولوش .. وتبدا تسال عن البنت ..عاد تبدا المشاكل .. لا البنت راعية شباب.. متعقده.. بنت عرب .. عيميه ..بلوشيه .. ولا وايد ترمس .. ساكته .. عينها مفتره شوي .. ولا اسم يدها يفشل.. وطبعا النتيجه هي الفشل التاااام
شو رايكم الحين بنات العرس شي سهل ولا صعب...
وي حليلهن البنوتات تلاقين ويهها صار احمر شرات ها
