ياقلبي ارحمني ولا تعشق اليأس

بسم الله الرحمن الرحيم

ياقلبي ارحمني ولاتعشق اليأس
ذبحتني واللي ذبحني عنادي

إنسان انا مثلي مثل باقي الناس
ياخي ابي ارتاح حزة رقادي

أتعبتني ولكل الاشياء مقياس
وانا انسحب مادام فيها تمادي

ياليتني عايش بلا قلب واحساس
ولا احس اني كذا شي عادي

تقتلني اوجاعي وانا اقول لاباس
وتخنقني الوحدة وانا في بلادي

تحشرجت في داخل الصدر الانفاس
وصار الغلا والحب كبوة جوادي

من كثر طيبي صرت في يدينهم كاس
لاصار فاضي ماأنحمل بالايادي

بنيت من نفسي لهم مسند وساس
ولا أحد لبى النداء يوم انادي

خسرت؟؟ ياما بس ماانزل الراس
تبقى المبادي في حياتي مبادي

عطيت؟ ياما بس لا يمكن انداس
هذا البحر ينهاب لو كان هادي

نفسي عزيزه والقناعات نبراس
وصدري كتاب ابيض ولاهو رمادي

مؤمن لو إن الضيق والهم وسواس
واتعب واقدم للحلال اجتهادي

كني جذع واقدار عمري هي الفاس
تضرب على حلمي وتقطع مدادي

كلي ذوق من تحت لفوق كتب:

ربي يسلمج

يسلمو

مخاوي الليل كتب:

يسلمو

الله يسلمك

ريم دلوعة اهلها كتب:

[ندعوك للتسجيل في المنتدى أو التعريف بنفسك لمعاينة هذه الصورة] يسسلمــوَ ححلو موضوعــك

الله يسلمج ميرسي