خالدوسارة رومنسية 3333333

الجزء الثالث:




وبعد هاليوم اتصلت ريم من الصبح على ساره وساره في سابع نومه

ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو مين؟
ريم : مين يعني انا ريموه
ساره : الله يهديك يا ريم تتصلين صباح الله خير بهالوقت
ريم : أي صباح الله خير الحين الساعه 11 قومي بسك نوم
ساره : وش تبين خلصيني واله بي نوم
ريم :ساروه اليوم حنا معزومين على بيتاهل لطوف صديقتنا وكل بنات بالمدرسه بيروحون هناك يعني وناسه .
ساره وفجأه جدعت من الوساده : واله صدق روعه يعني بنات المدرسه بيجتمعون صدق وناسه بنتذكر ايام المدرسه .ريم : ايه والساعه 8 نكون هناك وانا ابي اروح السوق عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندك بدله يعني
ريم : لا عندي طبعا بس ابي اشتريلي بدله جديده .هاه بتجين معاي ولا ؟
ساره : اكيد بجي ومره وحده اشتريلي بعد
ريم : خلاص اجل تعالي بسرعه لا تنسين
ساره : لا حبيبتي البارحه ما تغديت مع امي حرام ما تهون علي بجي العصر وبعدين نروح اوكي .
ريم: خلاص حبيبتي اشوفك على خير بس تعالي بسرعه عشان نلحق اوكي باي
وسكرت ساره من ريم وراحت عند امها تستشيرها وطبعا الام وافقت .

(بيت فاطه خالة ساره )
نوره : واله احس من زمان ما شفت بنت خالتي الغاليه ساره .
هند وباستهزاء : يعني وش من زمان من اسبوع كانت هنا .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصراحه ما عرف ليش ما ارتاح لها احسها حركات وشايفه عمرها .
هند وهي معصبه : واله حبيبتي موب لازم ترتاحيلها اهم شي انا ارتاحلها اوكي .
نوره : اوكي اوكي عفان الله وش بلاك شبيتي علينا تقولين انتي الاكبر موب كاني اكبر منك
هند وتأشر على اصبعها : بسنه وحده اكبر يعني مافيه فرق واجد
نوره : بسنه بشهر باسبوع المهم اكبر منك.خل اروح اكلم ساره احسن من مقابله وجهك.
هند وهي منقهره : روحي روحي وانا بعد خلاروح اكلم منى احسن .
واتصلت هند في صديقتها منى . وصح كلام نوره لان منى من النوع المتكبر واجد وعليها سوالف وحركات .
هند : الو مرحبا
منى : مراحب يا هلا بهنود
هند : هلا فيك.هاه وينك
منى : ويني بعد بالبيت قاعده عالمسنجر
هند : انتي ما تملين من المسنجر
منى : لا واله وناسه بس انت لو تجربين بتعرفين ليش .
هند : وين اجرب ما عندي مسنجر واصلا ما احب الكمبيوتر.
هند : لانك ما تعرفين وش داخل الانترنت حبيبتي اذا تبين تحبين وتعيشين بالغرام اجلسي على الأنترنت والمسنجر .
هند وعلامه تعجب في وجها : واله وشلون
منى : انتي تعالي بيتنا وبعلمك كل شي .
هند : واله زين خلاص الحين بقول لأمي وبجي بيتكم اوكي
منى : اوكي ياله استناك
وطبعا هند للاسف كانت ساذجه وما تعرف صديقتها منى وش تقصد بهالكلام .

اما ريم وساره راحو يتسوقون عشان عزيمه اليوم . وهم يتسوقون فجأه شافت ولد خالتها خالد ومعاه صديقه محمد .
خالد وهو مستغرب ومفتح عيونه : محمد محمد موب هاذي ساره .
محمد : أي ساره .؟
خالد : حبيبة القلب روحي وعمري قم قم خل نروح هناك
محمد : الله يعينا على الفلم الهندي
وراح خالد مع صديقه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه وش اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرك الحال يا بنت خالتي .ها وش تسون هنا
ريم ,وهي تشوفه بدلع وتقول: زين قلت وش تسون زين جمعت قلت يمكن ما شفت غير ساره .
وهناساره ضحكت برقه : وخالد استحى وقال : لا افا عليك يا ريم وشلون انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومنهبل عليها وساكت .ريم حست بنظرات محمد واستحت واجد اول مره احد يشوفها بهالنظرات .
ساره : وش اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها ايش ايش ايش وش السالفه ؟
خالد : حنا الي نسألك وش السالفه وين وصل تفكيرك
محمديغمزشوي شوي ويقول لخالد : معاها معاها ما تشوف كيف حلوه ورقيقه
خالد : مين
محمد : مين بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : وش بلاكم عن وشو تتكلمون
خالد : ها لا لا ولا شي ولاشي بس محمد يقول انه جوعان بيروح ياكله شي.
ساره :ها خلاص اجل حنا نستأذن منكم عشان ما نتاخر اوكي يا خالد مع السلامه .
خالد : مع السلامه يا ساره واشوفك على خير
محمد وعيونه على ريم : مع السلامه ساره و و مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم

ساره وهي ميته من الضحك
ريم وهي مستغربه على ساره : وش فيك ليش تضحكين ؟
ساره وهي مبتسمه : لا حبيبتي سلامتك بس تذكرت نظرات الولهان على بعض الناس .
وهناريم فهمت وش تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنك هالكلام وقومي نكمل تسوق ياله


في بيت منى صديقه هند:
منى : زين واله جيتي تعالي اقعدي عندي بوريك اشياء تهبل.
هند : واله وش هي؟
منى : شوفي انا اكلم واحد عالمسنجر بس وش يموت بي تصدقين يحبني واي شي ابي ينفذلي.
هند : وانتي تصدقين انه يحبك حبيبتي هذا اكيديكذب عليك
منى : أي يكذب علي اقولك يموت بي بس انا موب بس اكلمه بالمسنجربس اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى وشلون ترضين على عمرك تغازلين .يمكن يكذب عليك.
منى : واله انك فاضيه وش يكذب علي اقولك يحبني وينفذلي كل شي وما انام الا بكلماته الحلوه واله حياتي صارت روعه معاه ..اه واله احبه
هند وهي بعدها مستغربه : يعني صدق تحبينه يعني ما يكذب عليك.
منى : اقولك احبه وبعد بيتزوجني تخيلي تاخذين واحد عن قصه حب واله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه ليش تبين خالد اخوي يذبحني .
منى : وهو اصلا وش عرفه .ما يعرف عن شي انتي بس طيعيني وكلمي واحد وبتشوفين كيف حياتك بتغير؟
هند: وشلون اكلم واحد لا لا لا ما يصير
منى : يالغبيه هاذي بس فتره خطوبه بعدين هو بيتزوجك صدقيني .
هند : ها ام يتزوجني م ماعرف خليني افكر
منى : فكري يا عمري وانا بعطيك رقم صديق الي اكلمه الحين وبتشوفين كيف حياتك بتغيرلاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تكذب على هند الي بسهوله كذبت عليها .


وبعد ما رجعت ساره وريم من السوق كانت الساعه تقريبا 6 مساء يعني ما تأخرو واجد وكان عندهم وقت عشان يلبسون ويتمكيجون . وساره قرت انها تلبس في بيت ريم عشان مره وحده يروحون مع بعض لان كل اغراضها كانت معاها وراحت ساره وتلبست وكان لبسها الون الاحمرالي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .

أما فهد اخو ريم الي جاي من السفر كان يبي يسوي مفاجأه لاخته ريم بقدوموه وكان يدور عليها وما لقاها وقال اكيد هي بغرفتها وهو ما يعرف ان ساره الي بالغرفه وفجأه يوم دخل كانت ساره صاده لزاوية التسريحه يوم فهد دخل
فهد قعد يصارخ من الفرخه وقال : ريمان مفاجأه
وصدت ساره وشافت رجال غريب ما تعرفه وهي مستحيه ما تعرف وش تسوي لانها ما كانت متغطيه لا بالغدفه ولا العبايه وفجأه سكت ونزلت راسها وما تعرف وش تقول .
اما فهد فكانت بيده هديه ومن المفاجاه او من جمال ساره الهديه طاحت من يده تلقائيا من دون قصد وقعد ساكت وهو يطالعها ويقول في خاطره ( انا أحلم ولا وش السالفه؟ من هاذي هاذي اكيد حوريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : اي م اسمحيلي كنت ابي ابي ابي اختي ريم بس ما عرفت انك موجوده ؟
ساره على طول اخذت الغدفه وتغطت وهي مستحيه وجها صدق محمر وترد برقه : لا عادي انا الغلطانه لاني ما سكرت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واو وش هالجمال في حياتي ما شفت في جمالها .
وبعدين جت اخته ريم الي ما كانت تعرف ان اخوها فهد موجود وهي يوم شافته
ريم فتحت عيونها وقعدت تشوفه وتصارخ : فهههههههاد وجلست تصيح وجت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بالحالي تخليت عني يا اخوي .وقعدت تصيح
وطلعت ساره من الغرفه تشوف وش سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تهرب عشان ما تحس بمعاناة خلاص يا فهد انسى امي وابوي راحو من كم سنه للحين محتاجها
فهد ترك يد اخته وقال وهو حزين : اه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبه لي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يغير السالفه : المهم ريومه انتي وش اخبارك .؟
ريم : واله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفك على اخوي .
ساره منزله راسها وجت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا واله بساره تشرفت بمعرفة وحده حلوه مثلك .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه الي من مده ما شافهم .
بس بخياله بس رسمه ساره الي صدق كان مجنون عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها الي تعذب المخاليق ولا ملامحها الي فيها براءه الاطفال ولا خدودها الي كانها ورود ورديه وشلون اوصفك يا ساره وشلون ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه عبداله : الله عليك يا فهد وش هالكلام العذب وشو اليوم جاي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي.

والجزء الرابع يوم ثاني

وش تتوقعن بيصير بين فهد وساره؟

وساره وخالد وش بتصير علاقتهم؟

وهند تتوقعن توافق انه تكلم شباب؟

بتعرفون كل شي اذا تابعتو القصه؟؟؟؟؟؟؟؟؟؟؟؟؟؟؟

يسلمو والقصة كتير حلوة ننتظر جديدك

يـسـلـموؤوؤوؤوؤوؤو ياقـمـر ع المـوؤوؤوضـوؤوؤوع الـراآاآاآاآئـع تـقبـلـي مـروؤوؤوؤوري :D

الله يسلمكم

ok بنزل الرابع

يلا سرعة بليييز القصة روووعة ومشكورة

OK

جلدددددددددددددددي...

شكراا الك