البارررررررررررررحه شب الصدر باشتعالا

البارحه شب الصدر بأشتعالا=جاني خبر يالله تحسن تواليه
وذاع الخبر في كل مجلس وجالا=قالو ملكنا ظهره اليوم يشكيه
والمملكه تبكي جنوب وشمالا=ومن شرقها للغرب حزناً يغطيه
وجتني هواجيسٍ كما السيل سالا=من راس شاعر مبدعٍ في قوافيه
ثارت لأبو متعب بيوتاً جزالا=من قلب صادق يطلب الله ويرجيه
يالله طلبتك ياعظيم الجلالا=يالواحد المعبود ماغيرك أدعيه
ياخالقٍ لنا السهل والجبالا=ويافارضٍ فرضاً علينا نصليه
ويامفرقٍ بين الحرام وحلالا=وياسامعاً عبده ليا صار يدعيه
يالله طلبتك كثر حب الرمالا=تبري ملكنا ياعظيم وتشافيه
وترد له العافيه بأكتمالا=ويعيش عمره في سعاده ويقضيه
وجعل المرض في دنيته مستحالا=ويطول عمره مهتني في لياليه
القايد اللي حبنا له تعالا=والموت من دونه علينا نبديه
اللي كما بدرٍ علينا تلالا=ونفخر بذكره كل ماحل طاريه
أرواحنا ياسيدي لك تتالا=نارد على حوض المنيه ونشريه
يفداك شعبك ياكريم السبالا=لو المرض رجلٍ بيدينا نذكيه
وختامها بقول قبل الكمالا=وأبيات شعري قربت في تواليه
راضي بحكم الله بليّا جدالا=واللي فرض ربي لزومٍ نسويه
ويالله طلبتك ياعزيز الجلالا=تشفي ملكنا ياعظيم وتعافيه

ميرسي جآري التقيم ^^

تم التقيم

يسلمووا

يسلموووو