هل انتي من بينهم .؟؟

السلآم يا حلوات ..جبت لكم هالموضوع وكل وحده تقولنا وش هي من هالانواع

انواع البنات...1- الكشيخه:
هذي من تشم ريحة طلعة
تروح تطق لك الميك آب وتلبس ذاك اللبس وتقعد تتفخ بهالشعر
يعني مايهمها رايحه سوق ..جامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________

2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع يفرق
الدلع الطبيعي..ياااااااااااااااااااا حلوه
لكن الدلع المصطنع ..وووويييييييييع ع ع يغث يلوع الجبد ..ودك تشوتها إذا جات تتكلم
______________________________

3- الكذابه :
هذي الكذب عندها ماشي سوقه .. جيب لكم ذيك السالفة وتدري انكم ماتصدقونها بس ماعليها من أحد
(سيارتي وسيارتي وهي حتى قاري ماعندها
فلانه تدرين من خطبني فلان الفلاني اصل وفصل وجمال ووووو بس رفضته!!!!
وااااااي وين ماروح الكل معجب فيني بس انا مااعطي وجه
لايكون مارلين مونرو وانا مادري؟؟؟
واهيه زنوبة الضاحي أحلى منها
__________

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معاه... ولو تقولها شفيش؟حذفتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________

5-الملسونه :
عسى ما تقولها كلمه إلا ردت عليك بعشر
يعني تشوف صبي بحااالة مادرى عن أحد.. وتقول : شوفي هذا قليل الأدب من الصبح يلحقنا ..
مالت عليه ..يبيله أحد يأدبه.. لازم أهزئه عشان يحرم يلحق أحد!!!!! ..
_____________________________

6-القراااقه :
اووووووووووه هذي النوعية تخلي الواحد يصدع
يعني تسولف تسولف تسولف... ويالله سكتها إذا كنت شاطر
من وين جيب هالسوالف ماأدري.. وأتحدى إن خلتك تسولف
_____________________________

7- المسكينه :
فيه بنات مساكين لكن موواجد .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
لوتقطها بشبر ماي تغرق...
______________________________ _

8-فرفووووووشة:
يعني تحب الضحك والفرفشة والتعليق .. النكد والغم ماتعرفة .. وتتعب نفسياً اذا قعدت مع ناس دمهم ثقيل
وحتى لو كان مامعاها احد يضحك ويسولف .. تروح تشوف وجها بالمنظرة وتقعد تعلق على نفسها وتضحك
______________________________ _

9-المغروورة:
ويااااكثر البنات اللي شايفين روحهم .. بعض البنات يحق لها تشوف نفسها..
لكن اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ...
_____________________________

10-العنيدة:
في بنات راسهم ياااااااااااااابس
يعني إذابغوا شي سووووووووووه وماهمهم أحد
تنجلد.. تنطق.. تنحبس.. تتصفق.. ترضخ فالعقال ..ماعليها أهم شي اللي في بالها سوته
______________________________ _

-11الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندره
يعني إذا بغت شي تقعد تحــــــــــــــــــــــــــــ ـن على راسك لما تعطيها اللي تبيه عشان تفتك من حنتها
___________________________

12-الكريمة:
هذي عجيبه عسى ماتقول أبي شي إلا وهيه جايبته لك ..
وإذا راحت مكان خلصت اللي في البوك كله <<
______________________________

13- غيورة :
كل البنات يغارون لكن بنسبه تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة
______________________________ _

14-القزيزة:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح السوق شفاحه هذي هي هوايتها
______________________________ ___

15-الشيفة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
_______________________

16-أم دميعة :
هذي لو تقولها ..هيه.. بكت
دمعتها قريبة وعلى طول تبكي
ــــــــــــــــــــــــــــــ ـــــــــــــــ

-17 المليقة:
وهذي مسكينة غثيثه واهيه ماتدري تحاول تسولف وتجذب الانتباه بس محد صوبها سوالفها بايخه وغبيه وعبالها كلش يسكت مع سوالفها وغشمرتها ثقيلة وسخيفة

منقووووووووووووووووووووووووول

اتمنى ان الكل يرد...

تسلم ايدك

ع الموضوع النايس

اي اكيد انا العصبيه ههههه

بنتظار ابداعاتك القادمه

منــــــــورين الموضووووووووووع والله

ههههه يسلموووا طلعوا وايد لي بس يفشلون شوي هوع
طلع احسن شي الفرفوشة <<<مب وايد