اَمَس كان المساء رائع بحق ماجمعني فيك
وكان الليل غـير الليل لما ربنا جابك
يضوي نورك دروبي واسـعد دوم بلياليك
وتظلم يابعدعمري سماء دنياي بغيابك
ملكتي قلبي المغرم وأصبح لعبةٍ فيديك
ولايهوى ولايعشـق سوى إلاّ حضرت جنابك
أحبك وان تغليتي علي،زودأعـشـقك وأغليك
عليك الله ياكل الغلا لا تغلقي بابك
نسيت أنساك واتذكرت باني ماني إبناسـيك
نسيت الكل إلاّ انتِ أحبك موت واحيا بك
هويتك كثر ماسمعي سمع واستمتع بطاريك
عشـقتك لين صرت أعشق معاك أهلك واحبابك
أمانه ماتطاول قامتك هذي ولا هاذيك
تباهي وحدك انتي بالجمال اللي تباهابك
كتبت بْحسنك أشعاري وياليت الشعر يوفيك
أخاف أني أقصّر واعتزل الاشـعار باسبابك
يجي ويزورني طيفك وياخذني الهيام إليك
واجي لك عاني أتمنى أنال رضاك وإعجابك
بليز ياجماعه تقيييم وردود
