قصة مها الناصر كامله
السلام عليكم ورحمة الله وبركاته
اليوم جبتلكم قصة مهاالناصر اللي بشريط المجد...
تفضلوا القصة وتراها كاملة قبل كل
شيء عشان كذا طويلة و أحداثها
بعد
مو فاكره الشعر بس هذا معناه
وقالت ادعيلي اختي انا احتاج دعائك
وكتبت كل الايات عن الدعاء
... طبعا ما رديت عليها
صار تفكيري مشتت
وباتجنن تفكير
ماادري فعلا ظلمتها والشيطان خلى هذي الصوره تظهر ليا خصوصا ان اخواتي يقولوا مو واضحه
تعبت نفسيا كنت ادعي ان الله يوضحلي اكثر
فكرت و وصلت لهذا الحل
بعد3 او 4 اشهر
اشتريت شريحه وارسلت على رقم مها شعر عن الشوق وقلت بعدو هذا الكلام
(حبيبي مشتاقه لك هذا جوال بنت خالتي ما اقدرت اصبر) أحبك بجنون
قام دق عليا
ارسلت : مو الحين حبيبي بعد 2 الاهل كلهم مجتمعين عندي
ارسل 4 رسايل كلها كلام حب وقلة حيا
(((لحد ذلحين لسا ما تأكدت مها مين تكون)))
ارسلت وقلت آسفين غلطانا بالرقم
ارسل ممكن نتراسل شوي؟
قلت عندك وسايط حلوه؟
قال وقسم عندي وسايط ساخنه بس اخاف تزعلين منها
قلت ارسل اشوف
قال ايش اسمك عشان اكتبو على الوسايط؟
قلت شهد
تدرون ايش ارسل؟
والله ارسل صورة ناس عراه
ومقاطع فيديو بفضل الله مافتحتها لان كان واضح من الكلام انها مقاطع خليعه
قفلت الجوال ولا تسالوا عن حالي
بعد ماهديت فتحت الجوال
حول شحن ب 100 وقال هذي هدية تعارفنا
ودق
فتحت الخط وسمعت صوتوا
تدروا كان مين
والله اخو مها
اخوها اللي كان يمثل انو اخوها
قفلت بوجهو
رجع ارسل ليش ماتسولفي معي؟
قلت بصراحه انا استحي مره
ايش رايك ارسلك مقطع صوت ليا بس انت ارسل صوتك قبلي
قال ابشري
( والله كنت احسو ذيب بشري وحش جائع)
وارسل مقطوع صوتو وهذا نص كلامو
( هلا شهد مسا الخير اعجبني مره مره كلامك خاصه كلمت(حبيبي) يعني لها تأثير وتقرب القلوب اكثر من بعض ما ادري مازلتي الى الآن خائفه ومنحرجه وخجوله؟
ترى انا ما اعض
مركب تقويم بدون اسنان
لك فضل علي لانك قبلتي الشحن
ولك فضل اكبر واكبر واكبر انك قبلتي تعارفنا
يمكن عندك تصور ان بعض الشباب اسغلالي او جشع نوع ما؟
انا بعيد عن هذا النوع واوعدك ماتشوفين مني الا كل خير
وانا في المختبر تحت التجارب
هذا صوتي اتمنى تسمعيني صوتك مع السلامه يا حياتي
((والله كنت بنهار واعترف اني انا صابرين لكن استغفرت ودعيت الله المجيب وربط على قلبي)
سبتو وصار يدق ويرسل ولا ارد عليه
يقول انت حياتي
انت طفلتي المدللة
اقسم بالله انك حياتي
اقسم بالله انك اغلى من اهلي
اقسم بالله حبيتك
اقسم بالله افديك بروحي وووووو
( ازيد قهر ونفسيتي تتدمر اكثر لما اشوف يرسل نفس الكلام اللي كان يرسلو ليا)
تخيلوا كل شي كذب في كذب وتمثيل
قصة مرضو تمثيل
موت اخواتو تمثيل
حتى ((جئت كما أنا)) هو نفسو تذكروا لما طلعت على الشريط وتقول زرت مها وطردتني امها ..هو نفسو ((الباسقه)) لانو نفس اسلوبو ونفس اشعارو بس كان يبغى يلفت نظر البنات
وووووكلها تأليف وكذب كذب والاكبر مصيبه يتطلع رجال
(دعيت عليه لحد ما ارتحت)
ارسلت للكنترولات في القناه ومديني طانش
ارسل لوحده واقول انتبهوا مها رجال وعندها صور بنات و و و
تقول الكنتروله لاحول ولا قوة الابالله>ادري لاحول ولاقوة الابالله بس تصرفي حطي حظر على لقبها اوعديني تسوي شي حتى انا متورطه صوري ومقاطع صوتي عندو
والله تستهبل تقول وش صاير؟ ارسلها كل هذا الكلام وتقول وش صاير؟؟؟
والكنتروله الثانيه اقلها مها رجال خذي هذا رقمي دقي عليا والله عندي كلام مهم عن مها
تقول ممنوع ياقلبي اتواصل معك خارج الشريط
(سبتهم حسابهم على الله وبنات الشريط اللي جالس يجرهم لخارج الشريط في ذمتهم)
اتصلت بالشيخ الفاضل عبدالعزيز الفوزان
اسأل الله ان يدخله الجنة بغير حساب
ماكان في يدو شي يسويه بس
هداني.. والله عاملني زي بنتو وقال كلمه كانت على قلبي زي المويه البارده في عز الحر
قال لاتخافي لن يؤذيك بشيء ودعاء الله ان يحفظني
جزاه الله خير
****
بعد اسبوع او اقل ارسلت مها على رقمي الثاني اللي كنت فيه بشخصية شهد
ارسلت سب وشتم
اقبح واقذر كلام ارسلو ليا واتهمتني بشرفي
والله انها راحت الحمام ((اكرمكم الله وشرفكم واعتذر عن ذكر هذا الموقف لكن حسو فيا)
والله صورتلي البلاعه والقذاره فيها وقالت هذي هديه لكي ياشهد
والله دخل على الاستديو حق جوالي واخذ كل اللي في الاستديو تقريبا.. اشوف الصور والمقاطع تتحدد قدام عيوني وتنحذف(الحمدلله مقطع صوتو وصورو كلها في ذاكره ثانيه)
والله ارسل صوره حقيقيه لحرمه مدعوسه تحت سياره
وصور ناس مشوهين
حسيت انه عرف اني صابرين وجالس يهددني عشت في رعب وخوف
كنت اتخيل صورة الحرمه كثير ولا اقدر انام
كنت احسبو ينتقم مني لان كشفتو ومعايا مقطع صوت ليه
غير صورو اللي داخل البيت
كنت في خوف مايوصف خصوصا انو يعرف بيتنا
وكنت اوسوس انو حاط كاميرا فيديو في بيتنا وجالس يشوفنا.....
ماقدرت ا تحمل لازم اقطع الشك باليقين
بعد يمكن شهر عشت فيه في عذاب و وسوسه
ارسلت برقمي الاصلي صابرين
تخيلوا من فتره طويله ما راسلتها كنت خايفه مره بس كان لازم اتاكد عرفت اني انا شهد او لا
وهذا اللي صار....
كيف حالك مها ممكن اكلمك في موضوع؟
ماردت
استنيت
بعدين ردت قالت
هلا صابرين آسفه كنت في مجلس حريم....
انقهرت ولا قدرت اتحمل على طول ارسلتلها
مقطع صوتو
والسب والصوره اللي في الحمام
قال:
انت كنتي شهد؟
اجل تستاهلين كل ماجاك
قلت
لا ما استاهل يا مجرم يلي ماتخاف الله
سنه معيشني على كذب واحزان وتمثيل
وشفت صورتي وانا والله ما خرج الا بعبايتي على راسي وبقفازي وشرابي خليتني اكشف عليك ومقاطع صوتي عندك حسبي الله ونعم الوكيل فيك
انت مريض نفسي؟ عندك انفصام في الشخصيه؟
انت ايش قصتك؟
كيف قدرت تكتب اشعار عن مرضك وانت مافيك شي؟ وليش جيت هذي القناه؟
ماعندك ضمير؟ ماحزنت بيوم على الكلام اللي اواسيك فيه؟
تعبتني ومرضتني نفسيا الله لا يسامحك
ودعيت عليا ان الله يبتليه بنفس المرض اللي كان يمثل انو فيه
قال :
انا متزوج (((واعيش خواء عاطفي)))
ولو كنت مرتاح في حياتي ماشفتيني مقابل الشريط
تكفين لا تدعين علي انا اخاف من الدعاء
وصورك ومقاطعك اقسم بالله مسحتها وتبت من ذلك
ارجوك سامحيني
قلت وملابسي وين وديتها؟
قال جلست عندي لايام حتى كنت اوقف السياره خارج البيت والله تصدقت بها للجمعية الخيريه باسم فاعلة خير
قلت انت اللي جيت عندنا؟
قال نعم انا اللي جيت
طلب مني السماح واني ما ادعي عليه
قلت : الله يسامحك اذا (((بطلت من التمثيل بشخصية مها او غيرها)))
قال انت صالحه ومن اسره صالحه
رزقك الله سعادة الدنيا والآخره
r]غفرالله لي ولك....................................
وفي النهاية اتمنى تنشروا القصة لاكبر عدد من المنتديات
وتحذروا جميع المشتركين من اي واحد/ه ما يصدقوا اي شخص قبل ما يتأكدوا
ابغى اشوف الردووووووووووود
منقوووووووووووووووووووووووووول
