شعــــــــــر رومنسي

ابتدى قلبي يحبه والسهر جاء في المنام

من يجيه النوم اصلا والقمر ناوي يجيه

ابتديت احب واحلم واللي مثلي مايلام

والله اني بالمحبه قلت هذا اللي ابيه

قبل اعرفه كان فجري لونه اشبه بالظلام

من عرفته والليالي لونها ماله شبيه

وان تكلم قال قلبي اااه ياحلو الكلام

ينتهي حكيه وانا اجلس انتظر شىء يحكيه

وان سكت ارسل لعينه من عيوني الغرام

وارتبك في نظرتي والقى نفسي ذابت فيه

وان ابتسم آآآآآخ منه ياحلاه الابتسام

هو شبيه البدر لا الا هو ماله شبيه

لمسته ياهي حنونه يلمس الطفل وينام

مره جاء يلمس ايديني وضاعت علومي بيديه

مشيته ايقاع هادئ حاله بحال الحمام

قلبه ابيض من نهار طيبته منه وفيه

كل نظره من عيونه كأنها لقلبي وسام

كل بسمه من شفاته تقهر اللي مايبيه

بس فيه برود طبع يقل الدنيا غمام

يوم اجيه بشوق ميت وهو بروده محتويه

والله اني حيل احبه وين هذاك الكلام

والله اني ماهويته وياقليله اهتويه

كم سمعت الكلمه هذي مرت مرور الكرام

ماتعبر عن غلاته ودي بشىء ابتديه

والله اني من عشقته مالقيت له أي كلام

كل لغه بالكون تعجزتبتديه وتنتهيه

بعد كل اللي ذكرته اللي مثلي مايلام

وش اسوي القلب شافه قال ياويلي ابيه

مشكورا على الكلامات الحلوه [ندعوك للتسجيل في المنتدى أو التعريف بنفسك لمعاينة هذه الصورة]

العفــــــــــــــــــــــــــــــــــــوؤو

يسلمؤوؤؤوؤو
يا جذاااب
هع

موضووع روؤؤووعهـ

مشكوووووووووور ع الأبيات
نتريــــآآ يــديـــدك,,