(البارت الثاني )
في مدرسة .............. الثانوية
الساعة 9 الصباح
رن الجرس و أنتهت الحصة
المعلمة وقربت من عندهآ : غرآم أبيكـ في موضوع تعالي لي بعد الفسحة
غرآم : أي أن شاء الله
ومشت المعلمة
أميرة : أشكـ أنهآ تبيكـ في شيئ خطيييير
غرآم وترتب كتبهآ: لا وشدعوة مو أول مرة تطلبني
أميرة : طيب تعالي ترآني ميتة جوع
وبعد مانتهت الفسحـــــة ورن الجرس
والبنات صآرو يدخلون الفصول
المعلمة شافت غرآم
المعلمة : غرآم شكلكـ نستي ماجيتي لي ؟؟
غرآم : أنا أسفة والله رآح عن بالي؟؟ أمري وش بقيتي أستاذة
المعلمة : أنا أبي أسألكـ أذآ أنتي مخطوبة لأني أبي أخطبكـ أنتي عاجبتني
غرآم وهي مصدومة وبتردد: والـ ـ له أنا أسفة مابي أتزوج ذآ الحين ّّ
المعلمة : طيب مو مشكلة حصل خير وخلي ذآ الموضوع بينآ
غرآم : طيب ولا يهمكـ
ومشت غرآم وهي تقول في قلبهآ ياربي هالخطبة لاحقتني حتى في المدرسة موب كفاية البنات صارو بعد المعلمات الله يعين بس .
أنتهى وقت دوآم المدرسة ورجعت غرآم البيت
غرآم وتوها داخلة : السلام عليكم
أم عبد الله : وعليكم السلام
غرام وتبوس رأس أمهآ: شلونكـ غلاتي
أم عبدالله: أنآ بخير دآمكم بخير ..ويلا بدلي ونزلي عشان تتغدين
غرآم وتصعد الدرج: لا مو مشتهية أكل
أم عبد الله : يابنت بتموتين من هالضعف ماتأكلين زين
غرآم : طيب خلاص بنزل وبجلس معكم يمكن أشتهي .. ألأا وين عبود .؟
أم عبد الله : في غرفته نايم للحين .
غرآم : مايشبع نوووم
رآحت غرآم لغرفتهآ ولبست بيجامة
برمودآ لونهآ أبيض وأصفر وشعرهآ شالته بمشبكـ صغير أبيض
وبعد مانزلت.. شغلت اTv وجلست على مايحطون الغدآ .
رن التلفون في ذآ الوقت
غرآم : ألووووو
# السلام عليكم
غرآم : وعليكم السلام
# غرام !؟؟
غرام: أيــــوهـ من معي ؟؟
# ماعرفتيني أنا ولد ...خالتكـ فيصل ..عبد الله موجود ؟؟!
غرآم أنحرجت أشوي: هلا فيصل .. عبدالله نايم .. تبيني أصحيه؟
فيصل : لا خلاص بس أذآ جلس قولي له أني دقيت
غرآم : طيب
فيصل : مع السلامة
غرآم سكرت السماعة وجلست على الصوفة
أم عبد الله : يمـآ من المتصل ؟؟
غرآم : هذآ فيصل ولد خالتي
أم عبد الله : طيب يلا تعالي تغدي وصحي أخوكـ عبود
غرآم: أن شاء الله مامي
في مستشفى( ......) الساعة 3 العصر .. أنتهى دوآم فيصل وطلع
ركب سيارته ومشى ..
وفي الطريق رن موبايله
أم محمد : هلا يمآ
فيصل : هلا بالغالية
أم محمد : ياوليدي متى بتجي للبيت ؟؟؟
فيصل : ربع ساعة بالكثير وأكون عندك
أم محمد : في حفظ الله
وصل فيصل بيتهم وكانت أخته منيرة موجودة هي ولدهـا الصغير نايف
وشهد وأم محمد, أما أبوهم نادر مايجلس معهم لأنه دايم مسافربحكم عمله ولا طالع برآ.
فيصل : أشوف الحبايب مجتمعين
منيرة : هلا وغلا حيآ الله الدكتور فيصل
فيصل : الله يحيكـ
أم محمد : هــــــا فيصل أجهز لكـ الغدآ
فيصل :لا يمآ تغديت في المستشفى بس أبروح أغير ملابسي وبنزل
في بيت أم سعود
وتوهآ داخلة بيت خالتهآ .
فرح وتسلم عليها: هلا غرومتي زين أنكـ جيتي وربي مشتاقة لكـ
غرآم : هلا فيكـ وأنا أكثر بس وين خالتي وحنين؟؟
فرح : أمي طلعت وحنوو تلاقينهآ على الاب توب .. يلا دخلي
غرآم دخلت وشالت العبائة
وكانت لابسة تنورة سودآ قصيرة لتحت الركبة وبلوزآء لونهآ تركوآز
وشعرهـا مخليتهـ مفتوح وروج خفيف وردي طالع شكلهآ جنان
فرح : فديتكـ أنا ..شالجمال كله يابخت الي بيأخذكـ
غرآم : بس عاد لاتمدحوني ترآ بعدين أصير مغرورة
فرح :أي تبيني أموتكـ ههههههه
غرآم : لا أجل ..خلينا على التوآضع
حنين وهي تصارخ من فوق : يعني غرومة هنا وماتقولون لي
فرح : وأنتي عاد تدرين وش الدنيا فيه
حنين وهي تركض لعند غرآم : هلا حبيبتي شخباركـ ؟؟
غرآم: بخير الله يسلمكـ ..
حنوووو بعد عمري الحقيني بكأسة مويه
حنين : أي مو على عيني أحلى كأسة مويه وعصير لك
غرآم: تسلمين ياقلبي
فرح وغرآم بالصالة وعلى الصوفة البنية كانو جالسين
فرح: كيفكـ .. وشو جديدكـ ؟؟
غرآم بطفش: ولا شيئ .. وكأنهـا تذكرت .. ألا صح عندي جديد. اليوم وحدة من المعلمات
خطبتني
فرح : ههههه حشى خطابة مو معلمة طيب وش رديتي عليهآ ؟؟؟؟؟؟
غرآم: أكيد لا... مابي أتزوج هالحين
حنين وفي يدهآ المويه: منو الي بيتزوج !!
فرح : محد وبلا لقافة .
غرآم وهي تأخذ المويه : ههههههه وربي أنكم فلة مثلي أنا وعبود
فرح : على طاري القلب شخباره؟؟
حنين : وأنتي وش يهمكـ غيره
فرح وهي معصبة من حنين : محد كلمكـ
غرآم: بخير الحمد لله .. ذكرتوني !!؟
حنين: بــــأيش؟
غرآم: لابس فيصل دآق عليه ونسيت أقوله
فرح وهي تغمز لغرآم: شسالفة
غرآم: أي سالفة فيصل دق على البيت يبي عبود وهو كان نايم بس
فرح وهي مو مقتنعة : أهــــــا آ
غرام: شذى ماراح تجي
فرح: لا عندها أختبار بكرآ
غرام: حسافة بيطوفها الفلم
حنين: الله جايبة فلم وناسة حيل عطيني أشغله
غرام: أوكي
وفي بيت بومحمد ..
فيصل نزل لعند أهله وكان لابس بيجامة حرير لونهآ عنابي .. طالع مرة أنيق ..
فيصل وبعد ماجلس:وربي كسرت خاطري اليوم وحدة بالمستشفى حالتهآ سيئة وأنا الي ماسك ملفهـا .
أم محمد : الله يشفيهآ
الكل : أمين
منيرة بتفكير: أقول ليش ماتدورلكـ وحدة من المستشفى وتخطبهآ
فيصل : أنا مو فاضي له الأشياء وبعدين مو مستعجل أنتو الي تحنون علي
أم محمد : يما شسوي أنت تقول تبي تروح بعثة لبرآ وأنا مو مقتنعة كيف تروح ومحد معكـ
فيصل : شدعوة يالوالدة الي يسمعكـ يقول أنآ صغير
أم محمد : بتظل صغير فعيني مهمآ كبرت وماعليكـ مني أنا بخطبلك
فيصل وهو يبتسم: أي أجل الله يعينكم على ماتلقون فتاة أحلامي
شهد وبعد ماكانت تفكر :تدرون أنه في قمر قريب منآ وحنآ مو شايفينآ
فيصل وهو يتريق على أخته: أي طبعآ وأكيد أنتي الي شفتيه هههه
شهد بزعل مصطنع: أنا الغلطانة الي أتكلم معكـ وقسم أنه لو تأخذهآ تكون أمي داعيتلكـ من قلب
منيرة : منو ذي.. شهود حنآ نعرفهآ ؟؟
شهد: أي نعرفهـا ونموت فيهآ بعد بس مادري ليه مافكرنآ فيهآ ؟؟؟؟؟؟؟
أم محمد : يابنيتي منو ذي
شهد : ..........................................غرآم بنت أم عبد الله
فيصل وهو مستغرب كأنه يقول هذآ الأسم الوحيد الي بالعايلة ماجآعلى بالي
فيصل:لايكون تقصدين أخت عبود !!؟؟
شهد : أي هي .. ياربي عليهآ تجنن هالبنت يابخت الي بتكون من نصيبه
منيرة :أي والله جمال وأخلاق وكل شيئ حلو فيهآ
أم محمد: أي والله حنآ ليه مافكرنـا فيهآ بس.... وكأنها تذكرت شيئ وتكدرت :وأبوكم!!؟؟
منيرة: أي صح
شهد: وش دخلنا حنا... وبعدين بو عبدالله توفى
فيصل مثل الأطرش في الزفة
منيرة وحست انه أبوها يمكن يقتنع بعدين: قومي يالغالية الحين دقي عليهم
فيصل وتحمس:مافيني صبر
شهد وهي تناظر أخوهآ : مو توكـ تقول ماتبي تعرس
فيصل يرمي عليهآ المخدة : أنتي أخر من يتكلم
شهد : أنا أوريكـ هذآ جزآ المعروف وسوت أنهآ زعلانة وصعدت فوق
فيصل يناديهآ : تعالي يالمجنونة أمزح معكـ
في بيت بو عبد الرحمان ..
شذى : عبادي شرآيكـ تروح لغرآم وتجيبهآ لعندي والله أنهآ وحشتني
عبد الرحمان : أي والله لهآ وحشة من زمان ماشفتهآ بس أنا أقول نروح نأخذهآ من بيتهم ونطلع نغير جو
حنين وهي تركض لخالهآ: بتطلعون ولا تقولون لي أهـ منكم
عبد الرحمان: متى جيتي أنتي ؟
حنين : من زمان بس أنت ماشفتني
عبد الرحمان : طيب يلا بوسي خالكـ
حنين : طيب أسفة نسيت........... السلام شخباركـ
عبد الرحمان: بخير ها تبين تروحين معنا ؟؟
فرح: أنتي رجعي مع أمي للبيت هههههه مانبيكـ
حنين وكأنها بتزعل : موب كيفكـ
عبد الرحمان : ماعليكـ منهآ تمزح يلا روحو جهزو بس لاتقولو لغرآم خلوهـا مفأجاة
فرح وحنين : طيب
عبد الرحمان بصوت عالي: شذاوي جيبي معكـ جوالي من داري
شذى وهي بعيدة عنه: أن شاء الله
بعد ماطلعو ركبو السيارة ومسافة الطريق ألا وهم وآصلين البيت
عبد الرحمان : يلا وحدة منكم تروح تنادي لغرآم
فرح : أنا بنزل
فرح نزلت ودقت الجرس وفتحت لهآ الخدآمة
مريآ : هاي فروهة
فرح: هههه هلا مريآ وين غرآم ؟؟؟؟؟
مريآ : غرآم فوق
فرح : طيب خلاص بروح لهآ عبد الله موجود !!
مريآ: لا بابآ عبد الله طلع
وسكرت الباب الخدآمة ..
فرح نزلت الشيلة وصعدت على الدرج عشان تنادي لغرام ألا.......... وعبد الله فوجهآ
فرح متفأجاة هذآ الي برآ البيت أنا أوريكـ يامريا
عبد الله : الزين كله في بيتنآ وأنامدري (فرح وعبدالله يحبون بعض من هم أصغار ومسمين لبعض وعلاقتهم حدها فلة وبس ينتظر عبدالله يخلص الكلية ويخطبها رسمي )
فرح وهي مستحية وفي نفس الوقت خايفة ونست أصلآ أنهآ فاتحه الشيلة
كان شعرهـآ لنص كتوفهآ وحاطه بودرة خفيفة وكحل وقلوس وردي طالع شكلهآ مرةحلو
فرح أنتبهت على حالهآ وحطت الشيلة وهي مرتبكة: وين غرآم ؟
عبد الله : يامكثر ماتسألين عنهآ طيب وأخو غرآم مايستاهل تجين عشانه
فرح وهي أشوي وتخق من وسامة هالولد ومدى حبهآ له : عبد الله شفيكـ اليوم
أنا مستعجلة خلني أروح لغرآم
عبد الله وهو مستسلم ويبتسم : طيب بخليكـ هالمرة
فرح على طول رآحت تركض لغرآم في غرفتهآ
طقت الباب
غرآم: منووووو؟؟
فرح فتحت الباب وحضنتهآ كأنهـآ سنة مو شايفتهآ
غرآم : فروحة يابعد قلبي ليه ماقلتيلي أنكـ جاية
فرح وهي تأخذ نفس وتجلس :يلا طيب جهزي بسرعة خالي عبد الرحمان وحنين وشذى ينتظرونآ
غرآم: فروحة شفيكـ مو على بعضكـ ؟؟
فرح : لا ولاشيئ بس هاذي فعايل أخوكـ عبود
غرآم وهي تضحكـ بالخفيف : شسمسوي بعد
فرح : بعدين أقولكـ بس يلا لانتأخر عليهم
غرآم : يلا على ماأغير ملابسي وأجهز
في هذآ الوقت فيصل كان في سيارته يتمشى وكان مشغل أغنية رآشد عشان الحب وفكره مشغول بلي قالوهـ أهله
...غرآم ..ياربي ليهـ هالأسم ولا مرة جآ على بالي أصلآ أنا ولا مرة شفتهآ في حياتي ولا حتى صادفتهآ مع أنهآ قريبة مني ..
ومعقولة تكون بالجمال الي وصوفوهـآ لي..
أهـ ياربي لازم أشوفهآ ..
