لا تسئلني عن ضيقه البال؟؟!

[ندعوك للتسجيل في المنتدى أو التعريف بنفسك لمعاينة هذه الصورة]
لاتسئليني عن سبب ضيقة البال
مبطي وانا ماذقت طعم السعاده

ظروف خلت حالتي ماهي بحال
كافحت ليما مابقت بي إراده

بنيت لي في عالم الصبر تمثال
وباد الزمن تمثال صبري إباده

حاولت اوسع خاطري بلعب الاطفال
وكل ماسليت شوي ضاقت زياده

لو المشاكل حلها الدمع لا سال
استغفر الله .. صار دمعي عباده

لبكي بكا .. ضيقه ولوعه وغربال
مابكي بكا .. خوف ٍ وذل وشراده

يابنت .. وديار البدو عشب ورمال
ومسرى بليا شور كله جهاده

وانا سريت بوادي ٍ فوقه جبال
الحر ماشاف الشبك يوم صاده

فيني بدوي طبعه ورى الخير رحال
اكثر مقيمه فوق مركب شداده

يشد وينزل كل فتره بمنزال
قربه صعب جدا وسهل ابتعاده

ان قال فرقا .. ماتراجع اليا قال
ماتقدر الدنيا تكسر عناده

فينا الولد .. يسوا ثمانين رجال
فينا الكرم .. خلقه وسنه وعاده

وبالعشق اخذت اللي مواصيفها ثقال
في زينها ماهي بحاجة شهاده

حبيبتي .. مازينوها بسلسال
من زود ماتبرق تضيع القلاده

اسود شعرها .. للبست فوقه الشال
الشال الاسود .. ينصدم من سواده

ارجولها خلخال .. من دون خلخال
خلقتها لفت انظار .. ماهي عماده

لو نفترض مرت على شارع الجال
فاض البحر يشكي عليها وداده

الارض تهتز حدرها هز زلزال
زلزالهاتعشق حدوثه بلاده

فيها الحلا .. عايل على كلها عال
ان سولفت بالليل انسى رقاده

بس المصيبه حظك الشين لا مال
اليارقد يابعد والله قعاده

وانا مع حظي .. بعض ناس عذال
زادوا علي .. من النكاده نكاده

صحيح انا عايش .. ولو الحزن طال
الحمد لله والشكر والشهاده

الفضل لله .. عزني بكل الاحوال
ماذلني بحاجه تشمت إعباده

مير البلا ضيقات الوان واشكال
لاجن خلني طريح الوساده

هذ انا . ياناشدتني عن الحال
من كثر ضيقاتي نسيت السعاده

[ندعوك للتسجيل في المنتدى أو التعريف بنفسك لمعاينة هذه الصورة]

مشكوووووووووورة

يسلمووووووووووا

مـيرسسي

م'ـشششكوره

بارك الله فيك

شكراااااااااااااااا لك

منوووووووووورين

يسلموو

[ندعوك للتسجيل في المنتدى أو التعريف بنفسك لمعاينة هذه الصورة]

» على البال ؛؛ كل التفاصيل ؛؛ على البال
» كلمات أنشودة~:(رآآآآآآحت البال):~
» {على البال}.
» ( **ياساكن البال** )
» مدينة اسمها البال