العرب اخوان ولكن !!

السلام عليكم ورحمة الله وبركاته

((( اخواني واخواتي )))

صراحه ما ادري من وين ابدا ولا ادري وش اقول

صراحه انا شفت اشياء ماقدرت اتحملها

انا اتذكر من زمان يوم انا صغير كانو يقولون لي

العرب اخوان

العرب يد وحده

العرب مالهم غير بعض

العرب يفزعون لبعض

بس للاسف انا هاللحين ما اشوف ولا شي من هاللي كانو يقولونه لي

دخلت من شوي روم اماراتي بالبلياردو

هوشه بين سعوديين وامراتيين

عيال وبنات

كل واحد يسب الثاني ويسبون اهل بعض

قال رسول الله ‏ ‏صلى الله عليه وسلم ‏ ‏إن من أكبرالكبائر أن يلعن الرجل والديه

عن عبد الله بن عمرو رضي الله عنهما قال:قالرسول الله صلى الله عليه وسلم: (إن من أكبر الكبائر أن يلعن الرجل والديه). قيل: يارسول الله، وكيف يلعن الرجل والديه؟ قال: (يسب الرجل أبا الرجل، فيسب أباه، ويسبأمه فيسب أمه).(صحيح البخاري).

وماشين بالسب.

عمركم شفتو امريكي يتهاوش مع بريطاني ويقوله يالبريطاني؟؟؟؟

عمركم شفتو ياباني يتهاوش مع صيني ويسبه ؟؟؟

حنا يالعرب اللي اسمنا مسلمين

اللي الرسول صلى الله عليه وسلم وصى على الجار نسب جيراننا الامارات وقطر وباقي دول الخليج

طيب حنا اخوان واصلنا واحد وابونا ادم ابونا واحد

طيب انا ما ادري ليش كذا

انا كل ما دخلت شات كتابي او صوتي او البلياردو او اي مكان كل واحد يسب الثاني

والله حرام قسم بالله حرام

اليابان دخلو موسوعة جينس انهم صنعو اسرع قطار بالعالم سرعته 600 كيلو بالساعه

وحنا تونا باقين على يالاماراتي ويالسعودي ويالقطري؟؟؟؟؟

طيب وبعدين الى متى وحنا بالوضع هذا ؟؟؟؟

صراحه والله تعبت وانا اتكلم واقول

اصلا حنا يالعرب ما اذكر اجتمعنا بشي ابد

الا بالاغاني ؟؟

يعني لين بغينا نجتمع ونقول شي نجتمع باغاني

وليت نستفيد منها

ما اقول الا

((( لاحول ولا قوة الا بالله )))

صراحه والله لو اقول واتكلم والله مافيه شي يوصف الاشياء اللي انا شفتها

وبنشوفها كثير دام تفكيرنا محدود على الجنسيه

والاصل وانت من وين

مادري وين انهي كلامي لانه ماله نهايه

تقبلو وجهت نظري واتمنى انه احد يفهم

والله ما كتبت هالاكلام الا من

قهر من اللي اشوفه

اتمنى كل واحد يدخل يقول رايه باللي انا كاتبه

هل انا على صواب ولا على خطأ

((( واسف ع الاطاله )))

الله يعطيك الف عافيه

بارك الله فيك وفي قلمك بالتوفيق

و ننتظر المذيد من ابداعك

كلامك صحيح

نورت الموضوع

اها
شكرا لك

يــــــــسلمووو يا عسل

بارك الله فييييييييك

» هل هم اخوان ام عيال عم هههعع
» فلسطين لا تسألي اين العرب.
» اين ذهبوا علماء العرب
» *^%حال العرب مع الانجليزي*^%..
» جورج بوش في بعض دول العرب