قصه مبهرع بعض الشئ حقيقيه مش خياليه

:bye:السلام عليكم ورحمة الله وبركاته :bye:

كيف حالك إن شاء الله دائما بخير ؟


قصة مبهرة اقرو و شوفوا




صحيت الصبح على صوت التيليفون برن على رنة "حبيت الشبك " ولا هو صاحبي ابو الزوز هو بصراحة اسمه عبدالله بس ما بعرف سبب التسمية ، ولا عبدالله بلهث ع التيليفون كانه شايف فيلم المنشار الجزء الرابع....

- الحق...
- خير مالك -وانا لسه مش مفتح -
- يا زلمه بقولك الحق.... مصيبة
- يا فتاح يا عليم .... طب اهدى شوي وروق
- يا زلمة هو ظل فيها روقان
- لا حول ولا قوة الا بالله...... وك يا زم شو مالك ؟
- بقولك تعال يا بتيجي هلأ أو انسى اني صاحبك
- يا زم وهو انا من وين بعرفك " يثقل دم عليه"
- اووووه .. ولك احمد اصطلب شوي ميشان اللي خلقك.
- طيب ... طيب ، هيني جاي

سكرت السماعة و ركاض دخنت سيجارة واطلعت من دون ما أغسل وجي. وطول ه الطريق وانا عم بفكر بنهاية فيلم السهرة اللي ما كملته عشان الحج كان بدو يتابع نشرة الجزيرة. دفعت اجرة الباص ولا انا عند مركز امن صويلح نزلت ولقيت أمم طالعة وامم داخلة وشباب واقفة ع الدور.... وقفت معهم " اول مرة ادخل مركز لولا ابو الزوز " واجاني الدور ولا الرقيب بسألني هويتك ورقمك أنا اعطيته هويتي وقلتله 0796... الرقيب انجن وصار وجه الوان وقالي: بتتخوت يا افندي؟ انا مش مفتح وبصراحة شايف الديك شاورما ... حكيتله ... لاوالله سيدي انتا طلبت رقمي... قام نط حد من الاخوان اللي واقفين ع الدور وقالي : رقم ملفك في التواقيع ....

انا انصدمت وقلته تواقيع ؟؟؟ هو توقيع معتمد من نوع أ ؟
الرقيب انجن بزيادة ..... وقلي انتا يا ابني محكوم عليك اقامة جبرية ولازم توقع ؟ انا حكيتله أعوذ بالله انا تبع محاكم أنا دخلت المحكمة الشرعية يوم كتب كتاب ابن خالتي عوض على بنت جيرانه تهاني وكانو ماخذين بعض عن حب يا سيدي ، وأهلها كانو رافضين بس لما اقتنعو أهله رفضو وخذلك عاد قصص حب وهيام واضراب عن الاكل... الرقيب نفر فيي : ولك شو بدك خلصيني، عليتني .....قسم بالله لأحجزك يومين ... حكيتلو ولا اشي جاي بدي اشوف صاحبي ....... المهم الجماعة ما قصرو ودلوني على مدخل المخفر ودخلت اشوف ابو الزوز أو بالأحرى...... الشباب.

ابو الزوز راكب مع ثلاث شباب " بلوط وملقط وذياب " وكانو راكبين سيارة فولفو موديل الف وتسعمية وخشبة. المهم وبلوط كان ماخذ الرخصة جديد وحب يطشش الشباب تلا المدينة الطبية ، وبلوط للعلم من سكان الجبل الشمالي - ولاية الزرقاء . والشبيبة من مختلف المناطق . المهم وهمه بالطريق بدهم يروحو على مكان معين احتارو وين بدهم يروحو وما حدا عارف احداثيات المنطقة اللي همه فيها. وكل ما يوصلو مفترق طرق بتبلش الشباب " يمين ...لا يسار ... ولك روح يمين ورد علي... لا لا خليك ماشي دغري" المهم لما وصلو اخر المدينة الطبية وصلو عند مفترق ورجع الشريط من اول " يمين ...لا يسار ... ولك روح يمين ورد علي... لا لا خليك ماشي دغري" بلوط انجن وصار لون وجو زهري ولف ظهرو ع الشباب اللي وراه وقالهم طيب نروح هيك... وقام اخينا لف الستيرنج على الآخر وهو طاير... وقلبت فيهم السيارة بيجي 20 قلبة ... ونزلت في قاع وادي مسنودة على شجرة.

ابو الزوز كان قاعد جنب بلوط واول واحد صحي لقي الشباب ملمومين على بعض تقول صبة اسمنت وبلوط نايم جنبه والدم نازل من راسه بشر شر . ملقط صحي من الغيبوبة وشاف المنظر... وقال اهربو السيارة رح تنفجر "أخينا بالله بحب يحضر افلام أجنبي " المهم ركض ركض بيجي 20 متر ووقع على الارض مغمي عليه من الحادث، صحي ذياب وبلوط وابو الزوز وقعدو جنب السيارة وهمه دايخين من القلب اللي صار معهم. بلوط ولع سيحارة وقعد يدخن ولا كأنه في إشي. ابو الزوز قعد يدور على الموبايلات وما حصلهم لأنه الدينا كانت ليل ، ذياب راح يتفقد ملقط ويشوف إذا معه سجاير لأنه ذياب مقطوع... كان في واحد من اخوانا المصريين هناك وشاف الحادث وبلغ البوليس..... أجت الاسعاف والدنيا وذياب لما شاف المنظر ارتعب ووقع ع الارض جنب ملقط....

والله والشباب نقلوهم على المدينة الطبية ... لأنها قريبة ودخلوهم ع التصوير الطبقي ومش عارف شو وقطبو راس بلوط.... المهم ولا الملازم داخل عليهم ومعاه شرطي وسالهم عن الحادث واتهمهم انهم سكارنين... وقعدو يحلفو ومش عارف شو ... حولوهم ع مركز صويلح ومن هناك بلوط اتصل في اخوه سمسم وشرف سمسم والأخ كان بعيد عنكم سكران وطافي ع الآخر... دخل شرطي برتبه رائد وشم ريحة الغرفة كحول ... وقال ماشاءالله عليكم ومثقلين العيار حبتين كمان ...........

وخذلك حلفان ويمين انه سمسم بس اللي سكران وهلأ اجى....... راحت يا معلم وبألف ترجاية تا سمحولهم انو يتصلو واحد من الشباب.........

دخلت عليهم ولقيت شلة الانس كلها قاعدة .....
وهمه عم بيضحكو وهمه بتذكرو منظر بلوط لما قلب السيارة....... سلمت ع الشباب و افرطك من الضحك لما سمعت القصة. ودفعت كفالة الشباب.


روحنا ع البيت ولا ابو الزوز بتصل فيي وبحكيلي انهم قلبو كمان مرة على طريق المدينة الطبية بسيارة سمسم أخوه لبلوط

يسلموووووووووووو

يسسلموــآ
روَعَهِ

يسلمووووووووووووو