قصيده رائعه بعنوان(ملذات الحياة)

قصيده رائعه بعنوان(ملذات الحياة)
بين شاعرين كبيرين
الشاعر :حامد زيد
والشاعر : ناصر القحطاني

القصيده

الشاعر ... ناصر

الله يا زين الليــــــــــالي كل ما نرجــــــــــــع ورا
شان الزمن ياهل ترى .. والا يا عالم وش جرى
لا طعـــــم للضــــــتحكه ولا اللقمه ولا حتى الكرى
والعمـــر ينقــص مثل ما تنقــــــص ملـــــذات الحياة

ما فيـــــه صدر الا وفـــــاح ولا كـــــــلام الا انحكى
واللي شكــى واللي بكى .. واللي على الحزن اتكى
واللي خـــــذا لـــه بنـــــدق و دور خـــويه و ارتكــــى
حـــتى افلــــس وضاقت عليه الأرض من كل الجهات

الشاعر ... حامد
كلـــــن يجـود بنيتــــــه ولكل مؤمن مانوى
الكره داء بلا دوى .. واصابعك ماهي سوى
العـــــين تتبع ما هـــوت والقلب يتبع ما هوى
وان قـــــــوّم الله القــــــيامه نسأل الله الله الثبات

مايجرحـــــك غير الصغير اللي يحسب انه عظيم
لاهـــــو بشهــــم ولا كريـــم .. ولا صــــراطٍ مستقيم
تعاملـــــه مثل الخـــــوي ويعاملــــــك مثل الخصيم
ان كانــــها من بـــــاب غــيره ما يغــــــار الا البنات

الشاعر ... ناصر
إلا على طــــــاري النسا .. قل للنســـــا عل وعسى
تذكــــــــرون اللي نسى .. وتدلهــــــون اللي قسى
واللى تردى بعضنا .. تكفون يا جمـــــع النســـــــا
اخـــــــذوا الغتر والثوب واعطونا الغطاوي والعباة

يمــــــــارس الهاوي هواه من المهد لين اللـــــــحد
حتى اكثر العالم جحد .. واصبح مااحد فاضي لاحد
من قـــــــــدم السبت احســـــب انه دايما يلقى الأحد
لاواحـــــــلالاه سنتـــــــين من العصــــــــور الماضيات

الشاعر ... حامد
صحيح ليا قال المثل : ما كل حاجة بالفلوس
المال مايجمع نفوس .. ان عز روس يذل روس
من صار للدرهم قدر والناس تنداس وتدوس
جمع الرجال الاوفياء يغنيك عن جمع الفتات

اللي يحسب ان الرجوله فالشماغ وفي العقال
وبالضيق ماهو راس مال .. وما يعد من الرجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات

الشاعر ... ناصر
الفقــــــر كرهنا بعضنا..والنبي منه استعـــــــاذ
وان ما لقى الطاير ملاذ .. العمر تاليه النفاذ
إليا اجدبت كـــف العزيز ولا غشاها الا الرذاذ
قــــتل له عليك ان طعتني بالباقيات الصالحات

كــــــن مبتسم واحـــــذر يقال انه عبس والا بسر
حـــــــتى ولو جاك العـــتسر.. تلقى مـــع العسر اليسر
اجــــبر خواطر وانتبــــــه ينقـــــال خاطـــــــرك انكسر
وارســـــــم حلومــــــــك في البياض مربعات مربعات

الشاعر ...حامد
ياكثــــر ما عبنا الزمـــــن واثر الزمـــــن مافيه عيـــــــب
إن عشت ذيــــب ومـت ذيب .. وكل فعلك فعل طيب
خـــــذها نصيحـــــــه من مجـــــرب قبل لا تســــأل طبيب
اذا عيـــــون النــــــاس باتــــــت عــــــين ربــك ما تـــبات

الله عطــــــــاك الموهبــــه والله كريـــــم اليـــا وهب
لو حكــــيهم يشعـــــل لهــــب .. واقلامهـم تـــوزن ذهب
ماتبــــــــت ايدين النــــبي تبت يديــــــــن ابو لهـــــب
اللي جمــــــــع شتاتهـــــم يقـــــــدر يرجعهـــــم شتـــــــات

الشاعر ...ناصر
من هــــــــم بصعــــود الدرج .. لا يلتفــــــت للي هـرج
يصـــــبر و لو حظه عــــــرج .. والصبر مفتـــــــاح الفــــرج
وإن حـــــس في صـــــدره حرج .. والهـم طول ما خـرج
يجلــــــس مع نفســــــه دقايـــــــق فــــــوق سجادة صــــلاة

افتــــح عيونــــــــك للحيـــــاه أكثر وناظـــــر في علــــو
لو عنـــــــك احبابــــك سلو .. و اعداك في كرهــك غلو
والله لـــــو تصــــــنع من الليمـــــــون مشــــــــروبٍ حــــلو
كـــان اكتشفـــــت الوجـــه الأجمـــل للمحــن والنايبــــات

الشاعر .. حامد
ان صــــــــابك من النايبــــــات المعضلـــــه خطبٍ جــــلل
واجتاحتـــــك موجـــــــة ملــل .. وإغرورقـــــت عينك بلل
يا عـــــل كتــــــف الصاحــــب اللي ما يشيلـــــك للشـــــلل
ولا بـــــارك الله بالرفيــــــق اللي يســــــوي هالســــــوات

حتى ولــــــو تقـــــدر تبوق الكحل من فـــــوق الرموش
وتجــــري مثل جري الوحوش .. سواة رزقك ماتحوش
يعـــــني بلا توفيـــــــق ربــــتك لا تهــــوش ولا تنـــــــوش
يالادمـــــــي ما فـــــــــات مــــــات و كل ما هـــــو آت.. آت

الشاعر .. ناصر
الله علــــى قـدر النصيحة فى القديــــم من الزمن
كلٍّ إلى قالـــــــوا تمن .. قال أشـــــري وصاه بثمـــن
واليـــوم الآباء قبــــــل الابنا نصفهــــــم ما ينضمــــن
وجــــدي على لقمــــــــان والا يا وجـــــودي يا بْركات

تشـــــكي مشاعـــــرنا الجفاف وكل صــــدرٍ فيه خوف
أزمة ثقـــــه وأزمة ظــــــروف .. الكل منهـــا ما يشـــوف
من كثـــــر ما قل العـــــدل ما عاد يرجـــــون الضعــــوف
من بيـــــت مال المسلمـــــين ايّ صدقــــــه وايّة زكــاة

الشاعر ... حامد
من عــــزه الله في ذرانـــا ذي فــــراش وذي غطـــا
نعطـــــي ولا نرجــــي العطا .. ولا يجـــــي منا الخطا
نصـــــــبر على مر الليـــــالي لو يطـــول بنا البطــــــا
بعـــض الاوادم لو يمــــوت من الفقـــــر ما قال هات

ما يجتــــــمع كــــــفٍ جــــــواد ومـــــدةٍ متبــــــاهيه
خــــــــل الاوادم لاهـــــــيه .. واعـــــط العطايا راهيه
ياتكـــــــــــرم الناس بشرفـــــها , يا تغـــــور بداهيه
لو صــــدق لك نيه

تجـــود تجود لكن من سكات- [justify]

مشكوؤرههً ححبيً

لك التحيات مني : حنونهه

:865678976:

» قصيده بعنوان (بنات اليوم)
» قصيده بعنوان صرخة فتاه
» محشش قال قصيده بعنوان{احبـــك}
» قصيده رائعه جداًا عن الرسول صلى الله عليه وسلم
» روايتي الأولى لطيور الجنة بعنوان ( الحياة حلوة بس نفهمها )