هـل عيـد الفطــر ياصـــايم
عــاده الله بالمســــراتــي
عيــد فرحـه دومـن ودايــم
ع وطــن ارض الامــاراتـي
نـور يجـلي عتــم لعتـــايم
فـي قلــوبن حبــها ذاتــي
يرتجـي للخيـر مـن جـــايم
علـى المـواصل والمــوداتــي
بالقصـايد برسـل احمـــــايم
رمـز حـب ومحـبر أدواتـــي
وأتجـنب لومـت الـلايـــــم
فـي سنــع أهــل المــرواتي
بالتــحيه نبتــدي سهــــايم
وللنفــوس الخيــره حيـــاتي
عطـر ود وريــحة انســـايم
واجــبن وأرضــف تحيــاتي
كـل مـن يقــراه بلــــزايم
لـه زهور الــروض عبقــاتي
مطلــبي مـن ربـي الـــدايم
عيدكــم انـس وشراغــــاتي
كل عـام وحــول بتمـــايـم
فـي تبحبيــحه وراحـــاتـي
والسمــوحه شاعـر وهـــايم
فـي فنـون الحـب صــولاتي
