طريقة عمل الخــــــــــــمــــــــيــــرة

المقادير
_عجينة مكونة من طحين أضيفيله القليل من الملح واعجنيه بس خليه شديد وليس رخو وما تحاولي تزيدي ميه كثير ممكن اقربلك بأن احكيلك انها قريبة من عجينة الشيشبرك .

___دجاج مقطع مع العظم ومسلوق بماء وبهارومملح ...اسلقيه واتركيه جانبا .نصف سلق.
____بصل مقلي ضعيه جانبا.
_____لوز مقلي .
________بهار وخصوصا السماق .

العجينة خذيها بدون تخمر وقطعيها كور افردي كل كرة حتى تصير رقيقةاحضري طنجرة عميقةوادهنيها بالزيت وافردي اول عجينة وادهني وجهها بالزيت وضعي العجينة الثالثة والان احضري الدجاج بعد ما تكوني حمرتيه بالفرن ومخلوط بالبصل واللوز والبهار واذا بتحبي ليمون ضعي طبقة من هذه الخلطة وغطيها بعجينة وادهني على العجينة زيت ضعي ثلاث طبقات من العجينة وافردي من الخلطة مرة أخرى وغطيها باربع دوائر من رقائق العجينة ضعي على وجهها ملعقة زبدة علشان تعطي لون كويس على الشوي حمي الفرن يكون ساخن كثير احضري قليل من الماء وصبيه على الوجة علشان ما تنحرق من الاسفل وغطيها وادخليها الفرن 30 دقيقة وقبل الإنتهاء بعشر دقائق اكشفي وجهها علشان تتحمر ولما تجهز إقلبيها على طبق واسع وقطعيها بسكين حاد علشان ما تتمزع.......واخر خطوة ابعثيلي صحن وصحة وعافية على قلبك .....







اكلة شعبية جدا لذيذه انا اعشقها وخاصة من ايدين والدتي

المقادير: 1: جميع المواد لعمل العجين باستثناء الخميرة (لانها الاكلة هاي عجينتها عويصة على راي جدتي ) 2: كيلتين بصل من الكبير 3: لحم او دجاجتين من الكبير 4: زيت زيتون مقدار لتر ونصف (لانها هاي الاكلة بدها زيت كثير) 5: ملح حسب الرغبة+ بهارات
الطريقة:
اول شئ نعمل على عجن العجينة مثل العجين اللي بتعملوه كل مرة ولكن دون وضع الخميرة بعد ذلك تترك على جنب ثم تقومي بفرم البصل كله خشن وليس ناعم وعند الانتهاء من فرم البصل تقطعي اللحم او الدجاج الى قطع كبيرة ثم تضعيها فوق البصل وتضعي الزيت الزيتون عليها ولكن ليس كله يعني مقدار كوب ونصف ثم تضعي الملح والبهارات بعدين اتركيه على النار حتى يذوب البصل بعد الانتهاء من هذه الخلطة تحضري العجين وتقطعيه الى قطع صغيرة والشئ الي بدك تحطي عليه العجين يفضل انك ترشي قليل من الطحين مشان مايلزق بعد الانتهاء من تقطيعها تحضري شئ منبسط مشان ترقي عليها قطع العجين وكمان يجب ان تحضري المعجن والي هو وعاء كبير وعميق لكي تضعي فيها طبقات العجين وبس تحضريه المعجن ضعي فيه وهو فارغ زيت الزيتون وان يكون كثير الزيت بالوعاء لانها بتشربه
المهم بس ترقي قطعة العجين مليح افرديها بالمعجن ورايح تنكمش من الزيت بعد ماتضعيها بالمعجن صيري وزعي البصل واللحم او الدجاج على هذه الطبقة وان يكون البصل كثير في كل طبقة اما الدجاج يعني قطعتين بكل طبقة
ثم اعملي الطبقة الثانية من العجين وافرديها فوق البصل والدجاج ثم ضعي فوق هذه الطبقة البصل والدجاج وتبقي على هذه الطريقة الى ان تنتهي من كل العجين واخر طبقة خلوها عجينة لحالها بس في ملاحظة وهي وانتم تحطوا بالعجين بتحسوا انها انكمشت وصار بالمعجن فرغات مشان يصير الوضع طبيعي انكم تعملو على وضع الدجاج على اطراف العجينة مشان لما تحطوا الطبقة الثانية تمسك الطبقة بقطع الدجاج وماتصير تمشي معكم العجينة وهكذا... بعدين ضعوها على درجة حرارة متوسطة ورايحة توخذ معكم حوالي ساعتين او ساعتين ونصف
(على زمن جدتي) كان يعمل لها حفرة بالارض تملأ بالنار ليصب جمر وتوضع الطنجرة او القدر داخل النار ويغطى كله بالجمر وتترك ساعتين الى ان تستوي وتتحمر

يقدم بجانبها اللبن الرائب أو الشنينة
وتؤكل بالخمسة مو بالخاشوقه


وصحتين وعافية

ثانكيو يالغلا

مشكووووره عالمووضووع

ابداع

تتسلمي