السلام عليكم ورحمة الله وبركاته
جبت لكم موضوع إنشاء الله يعجبكم
الفرق بين البنت الدفشة و الناعمة
ههههههههههههههههه
طبعا هذه البنت وهى نايمة في غرفتها الدبدوب والارنوب كلهم في أحضانها وإذا قامت من النوم
ما تقوم إلا الساعة وحدة الظهر واللي تقعدها من النوم الشغالة وطبعا تكلمها بالانجليزي بترجم
لكم وش قالت لها الخدامة 00 تقول قومي ماما وقت واجد تأخير 00 والناعمة أول ما تصحي
من النوم تفتح الستارة والشباك عشان الغرفة تتنفس وشغلت موسيقى رومانسية عشان
يكون الجو رايق وتأخذ حمام محترم وبعد ما تطلع من الحمام على المراية تحط من هالكريمات
والصبغ 00 لازم تحافظ على البشرة 00 خلصت من المراية وتتجه الآن إلى الاستشوار
وبعدين تلبس البنطلون الجينز والبلوزة 00 وتنزل تأكل الفطور اللي يكون عبارة عن دونت
وعصير برتقال 0
------------------------------------------
البنت الدفشة :
تقوم الساعة 8 الصبح وهى ما ودها تقوم وتدخل أمها عليها بالغرفة وتصرخ عليها قومي
ماشبعتي نوم ترد الدفشة على أمها 00 زين زين الحين بقوم 00 وتقعد تأفففففففف ويطلع من
فمها نار 00 بالاضافة إلى إنها وهى نايمة كل دقيقة تطيح من على السرير 00 وبعدين يدخل
أخوها الصغير ويصرخ 00 وجع 00 يالله كفاية نوم 00 ترد علية : اطلع من الغرفة وإلا
أرميك من الشباك الحين << تذكرت كورا إذا دخلوا عليها إخوانها >>المهم أخوها اللي أكبر منها يروح لها الغرفة يرفسها
وبعد تلك
الرفسة العنيفة 00 تصحى من النوم
-----------------------------------
نرجع إلى البنت الناعمة
ما تتغدى إلا الساعة 4 ولا 5 ولا تتغدى إلا على رز أبيض مسلوق
وسلطة تحافظ على رشاقتها 0
---------------------------------
أما البنت الدفشة
تتغدا الساعة 12 بالضبط ولا تغدى إلا كبسة ولحم أو دجاج وإذا خلصت تشرب البيبسى شربة
واحدة يعنى ما في مجال إنها تتنفس 000
---------------------------------------
البنت الناعمة:
طلعتها تكون من بعد صلاة المغرب ما تطلع العصر تحافظ على البشرة من ضوء الشمس
----------------------------------
البنت الدفشة
تطلع الساعة 2 القايلة تروح مشى لبيت خوالها لحد ما تنقلب سمرة 0
---------------------------------------
البنت الناعمة:
تروح ستار بكس أو أي كافية وقبل لا تطلع تمر على الصالون تحط هذاك الميك آب 0
-------------------------------------
البنت الدفشة
تحط كحل يملا العين والروج تقول ما كله إنسان وإذا بتروح تروح السوق ولا سوق الحراج 0
-----------------------------------------
البنت الناعمة:
إذا تبي تضحك تقول ( هههههههههه) ويدها على فمها من الخجل والضحكة من الصعب انك تسمعها
---------------------------
البنت الدفشة
ها ها ها ها 00 وأهل الحارة الثانية يسمعونها
----------------------------------
البنت الناعمة:
إذا تحب تسمع أغاني ما تسمع عربي ما تسمع إلا ريكي مارتن طبعا لأنه حلو وممثلها المفضل
توم كروز لو سامته وميل جبسون وجيم كاري لخفة دمهم 0
------------------------------------
أما البنت الدفشة
ممثلها المفضل محمد هنيدي وعبدالناصر درويش ومطربها المفضل خالد عبد الرحمن ورابح صقر وإلا شعبان عبد الرحيم 0
---------------------------------------
البنت الناعمة:
لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفى بشاشة على الوجه 0
----------------------------------------
البنت الدفشة
تنسدح على الأرض وتحط رأسها على المخدة وتمد رجلها وتحطها على التلفزيون وإذا تبى
تغير القناة دقت التلفزيون بأصبع رجلها وغيرت القناة 0
----------------------------------------
البنت الناعمة:
إذا تبى تحلم أحلام اليقظة طلعت في حديقة بيتهم وقعدت على الكرسي هزاز وقام الكرسي
يروح ويرجع 0
-------------------------------------
البنت الدفشة:
تروح بالحوش وتمد السجادة اللي فيها خمسة وثلاثين لون أحمر وأسود وأبيض وجابت كاسه
ستة متر متروسة شاي 0
-------------------------------------
البنت الناعمة:
فئ نهاية هالموضوع تقولكم 00 تشاو 00 أو سي يو 00 أو باي
----------------------------------------
اما الدفشة :
في نهاية الموضوع تقولكم 00 حياكم الله 00 تأمرون على شيء
يلاااااااا كل وحده منكم تقول هي دفشة ولا ناعمة
أكيد كلكم بتقولون البنت الناعمة
أنتف رموشي إذا كلكم ناعمات ماعاد فيه نعومه خلاص صار ماينعرف البنت الناعمة من اللي تتصنع ههههههههههههه تراي أمزح لا أحد يزعل ...... في الختام أتمنى أن ينال الموضوع رضا الجميع
[center]