غرفة البنات في الاجازة الصيفية...

بما اننا في الاجازه الصيفيه حبيت اعطيكم موجز ع اللي يصير بغرف البنات من تبدا
سمرتهم لما ينامون الظهر؟
يالله نبدا من عند الباب
1/من المغرب وهم مسوين حوسه علشان يدخل التلفزيون الغرفه
المهم بعد جهد جهيد دخل عاد كلن يقترح اقتراح
حطوه هنا قالت الثانيه هنا علشان اقرب للافياش المهم واللي تشيله مسكينه تشنطط من هنا وتسمع شورهم
وهربوا البلاستيشن والا عاد كمبيوتر عايله
وطول اليوم فيه حرس داخلين طالعين علشان محد ينتبه للمسروقات
2/اللي وراهم عند التسريحه
تلقونها معها المكياج وفاااااغره في المرايه وجهها صار تحفه فنيه
ولا خرب المكياج واحد شافها هي مرتفع ضغطها بس تسوي تستهبل
3/اللي متكيه ع الجدار وتوه شايبها مسكين شاحن لها الجوال وهي مستلمه واحد واحد بالجوال تدق
مسويه كريمه واذا احد فتح الباب صلحت نفسها تسمع غمات الجوال
4/هنا عااااااد شله القهوه
تقهوو وعلى نهايه القهوه اعجبهم لحم وحده وقامو عااااد تقطيع فيها مسكينه لو تدري ما جت في الكان اللي جو هم به
لا ويقال وحده فيهم تنصحهم بس يابنات كلينا اليوم لحم وااااجد
وهي من فتح الموضوع
ورجعوا لنفس السالفه وتجاكرو ياااااااازين جكار البنات تشوفين الوحده ماتبقي احد الا تحلف به
شوي تهاوشو قامت الفناجيل تحالت من كل حزب وصوب
5/واللي معهم لاب ومابقى طبخه وما خذوها ولا خلطه ما خلوها ولا فساتين ولا مكياج الاوهم داخلين عليها لا وبعد تجي اراء ومشاركات
والمشكله ولا وحده بتسوي اللي اخذته من النت
المهم ياذن الفجر قام عاااد النوم يتسلل لعيونهم تشوفين الوحده عيونها زي فناجيل القهوه حقتهم
قامت الكبيره
هاااااه الفطور ع مين اليوم
قالت هذي ع فلانه
قالت فلانه لا والله مو علي ينتهي وقت الصلاه وهم لا صلوا ولا نامو
المهم يدخل الشايب وين فطوري
ويروحون سبع للمطبخ ولا يخلص الفطور الا ابوهم نام مسكين بجوعه
ويفطرون
وع الفطور تجي حاله هستيريه الضحك بانواعه
المهم قامو م الفطور سارت الساعه
8وقامو قطو المواعين متى ما يقومون يغسلونها طبعا المطبخ كانه ورشه من كثر المواعين
وراحو للغرفه عاد الريحه سهرفيها وفطور ياسلام
وكل وحده تمدد ع سريرها وتبدا المناورات اللي ما تنتهي
المكيف لا يرتفع ولا يطفى
الاحاف الااحد يشيله من فوقي
والله لو اقوم والتلفزيون شغال اكسره ع راسك
لا يطلع صوتك يافلانه
والا ترى اعلم ياشيييييي التهديد
ونوووووووووووووووووووووووووووووووووووووووووووووووو ووم الى المغرب
يووووووه ماشفنا الشمس الليوم نعنبوا حي شيطانك من بدت الصيفيه وانتي ما تشوفينها بس اهجدي من الهياط
قامو عندهم حركه حمااااااس بالبيت اللي تتسبح واللي ترتب واللي مكسله مالها نيه تقوم
عاد يجي بعدها فطور ثاني توست وجبنه وشاهي نص الترمس سكر
والغداء الساعه 9 بالليل عاد ما يجي غداهم الا كل وحده تنافخ الجوع شين
ويتغدون ويالله يدخلون بالغرفه ع هالموااال كل يوم
حتى مساكين محرومين من الطلعات بسبه هالنوم

اتمنى اعجبتكم
انتظر الردووووود