هلا بالغايب اللي من رحل عني وانـا ولهـان
ترك في خاطري لهفه وشوق اكبر من غيابـه
رفيق الدرب انا ما انساه ولو طالت بنا الازمان
ولكن لا حضر نشـره عليـه ونقبـل عتابـه
ياليته قبل لا يرحل يكون ارسل لـي العنـوان
عشان اسأل عن اخباره واطمن باقي اصحابه
ترى لو لا الغلا بقلوبنا ما اشتاقـت الاعيـان
لشوفة من توده رغم ماعانت مـن اسبابـه
وترى العشره لها عند العرب دور ولها ميزان
ومن لا يحفظ العشره ترى غدر الوفا صابـه
انا ادري راية المعروف بيضاء والقلوب اخوان
وعسى الله لايفرق شمل من شوقه لنا جابـه
قليله لو كتبـت بعشرتـك ياصاحبـي ديـوان
ولكن عشرتك اكبـر مـن الديـوان وكتابـه
ألا يالله تصون اهل الوفـا ياحافـظ الاديـان
لجل يرجع بعيد الـدار بيـن اهلـه واحبابـة
التقااااااااااااييم
